[عتيبيه مردده]

وانا اجوب صفحات الشبكه العنكبوتيه ، لقيتلي قصيدتين كل وحده تقول الهم والألم عندي ،
كلا القصيدتين تحكي حالة فتاة مكسورة القلب والخاطر في ليلة زفاف من كانت تحب، ولكم ان تتخيلو حالتها وهي تراه ممسكا بذراع فتاة أخرى ، تضحك له ويضحك لها ، لن يتردد في بالها إلا هذه العباره
" أنا المفروض أكون بدالها "

اترككم مع القصيده الاولى

صحيح انك بتتزوج!... وعرسك في مسـا الاثنيـن ...
بتاخذ وحدتن غيـري... وتتركنـي مـع أحزانـي


خواتك جابـو الشبكـه ..وقالـوا ياهـلا وأهليـن ...
بريـح المسـك ندعيكـم لعـرس أعـز الاخوانـي


وعروسك مِثْنيه راسه ... ببسمـه شقـت الخديـن ...
وفرحـه مـن نواظرهـا لهيبـن وسـط شريانـي


وأمـك ترقـص قبالـه وتِصفّـق بأحمـر الكفيـن ...
تغنـي حسهـا كنـه خنـاجـر حـبـي الفـانـي


وأنا مدري وش القصه؟ ومدري من متى ؟؟ ومنين
ومِنْـه اللـي تبـي تاخـذ حياتـي وكـل الامانـي ...


حبست الآه فـي جوفـي ودمعـي حايـرن بالعيـن ...
عذاب القلـب وجنونـه وحالـي حيـل مرضانـي

صدمت بوقتهـا أرجـي إلآهـي خالـق الجنسيـن ...
يصبرني علـى فرقـا ضنينـي ..نصفـي الثانـي

رجعت لغرفتـي أرمـي هدايـا من(ثـلاث سنيـن) ...
رسايـل خطهـا حبـرك تترجـم حـب خـوانـي


كرهت البيت والشـارع بـلا روحـن مـع الحيّيـن ...
همومي في وسط صـدري تعـادل جيـش ميدانـي


حرقت القلب يا خاين وعـودك وَصّلتنـي لويـن ...؟؟
عطيتـك قلـب مـا تلقـى مثيلـه بيـن الازمانـي


عشقتك عشق من مبطـي معـاي وباقيـن للحيـن ...
وأحبـك حـب لـو ليلـى درت عنّـه تنصّـانـي


يا (....) صرتي أنتي له هنيّـك بأسـود الحجيـن ...
هنيّـك فـي حضـن منهـو يعـادل كـل خلانـي


ورحت أبارك لعرسـك وعِـدّي مـا بكتلـي عيـن ...
سوات اللي طعن قلبه بصمت وقال.. وش جانـي ؟


فمان الله ...معك حبك توفـى فـي مسـا الاثنيـن ...
وأمانـه لا تراسلنـي وأبيـك اليـوم ..تنسـانـي

"آآآآآآآآآآآآآه، ربي يعينك ، هذا اللي أقوله"

أما القصيده الثانيه فتقول


اليوم لك ثاني مع راحة البال
وأنا بعد همي له اليوم ثاني..


اليوم تاركني أناظر بالأطلال
صورة ,, رساله ,, حلمـ ,, جرح وأماني ..


ليلي قضيته بين همـٍ وغربال
وأقول في نفسي حبيبي نساني ..


غنيت أنا عقبك من الضيق موال
يومك تسمع للطرب والأغاني..


لي دمعةٍ من فوق الأوجان تختال
يومك تلاعب مترفات المباني..


وبي عبرة منها المخاليق تهتال
ياعبرتي لاتفضحيني عشاني ..


ياعبرتي خلي لك الصدر منزال
لاهوب بك داري ولا هوب عاني ..


مشغول له في ترفة حالها حال
ماهوب فاضي لعبرتي أو جناني ..


في يوم واحد نسته كل اللآمال
وش عاد لو يدري بشوق غشاني ..


ماهوب مثل أول هذاك الغلا زال
عزاهـ كيف الود زال بثواني ..


أربع سنينٍ طوال ياكيف تنزال
وتحط في قلبك نوف مكاني !!.


ماكنت اظنك تجحد الود لاطال
اثرك على طريف وتبيني أعاني ..


قد قالوا إن البعد والصد قتال
وأنا اشهد انه علة بالمحاني ..


يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمةٍ تزيد امتحاني ..


دمعي بلا علمي على وجنتي سال
اشتقتلك ليتك تحس بحنـــاني ..


ليتك تشوف الحال يامتلف الحال
بس التفت لي شوف شالله بلاني ..


نصيتها تضحك لها لاهيٍ سال
وأقول ياليته حبيبي نصاني ..


الله يادنيا التعاسه والأهوال
الله يستر وش يخبي زماني ..


غلطانه اللي تعشق اليوم رجال
مهما حلف بالود يبقى أناني..


وقلب الرجال مابه من الحب مثقال
والبنت ترفه قلبها مايداني ..


حاولت أعبر والقلم في يدي مال
من هول مابي انعقد بي لساني ..