مرحبااااااااا الساااااااااااااع والله بالعنيد,,,ومشكورين يابو حمد الشامري ومحمدالشامري اختيارك السنع لـــــــ هالريال ابو الخلاااااااااااااط الي ماتم ادمي الا وانخلط فيه,,
هلا وغلا ياشااااااااامخ الهااااااااااامه والمرحب باااااااااااقي ارررحب ياريال اررررحب!!!!! ولاهنت طال عمرك!!!!! ولاهان غاليك ياراااعي الدباب!!!!!
حتى الدكاترة في الجامعه خالطنهم خلط والله هههههههااااااي.,,,,اما صورتك هاي يالعنيد صدق واااييدددددددددد حلوة ,,,,
وبالنسبه لصورتي ادري انها زينه وواااايد حلوة بدون ما تقول!!!!
ويستاهلون الدكاترة مش هم خالطينا بالدرااااسه!!! حنا لابد نخلط روسهم ووجيهم ذيك الحمرا بالخلاط!!!! هههههههههههه
ترى العنيد اهني هب كاشخ يعني متصور ع السريع,,, اشلون لا شفتوه بكامل كشخته,,,, على ينب بطيحون ههههههههههههههههااااااي,,,, وايد وايد مزيوووووووووون يالعنيد ,,,,,
برااايفت شااامخ شكلك يقول انك اول واااحد بطيح لما تشوفني هههههههههههه!!!!!
اوكيك العنيد انا عندي كم سؤال:
تفـــــــــــــــضل طال عمرك!!!!
1: شووووووو تعني لك صفة التقليد لاي شئ كان في حياتك!!!! هههههههههههه<<<< جاوب وبكل صرااااحه ومن منو تعلمت هالصفه
عاااادي اجاوبك وبكل صراحه وليه لاء... مثلك عارف اني احب اقلد ولكن في حدود الأدب... مثلا لو شفت شخص احب أقلد حكيه...ولاطريقه مشيته ولا اي شئ ثاني... والصفه ذي مدري كيف انها فيني بس اني احبهااااا!!!!! واتقن فن التقليد هههههههههههههههههه !!!! وش رايك أقلد لاعضاء المنتدى اشلون ايحكي ويتصرف شامخ الهااامه!!!! هاه وش قلت هههههههه *_^
2: الاغنيه حق احلى الايام لما تسمعها شووو تعني لك ووشو اذكرك فيه؟؟؟ جاوب وبكل صراااحه وابيك ترد علي فيها على كل مقطع#### شو و راااك انت ,,اي بعد شووو هههههههههههههههههااي:
مرحبا والله فيك ياشامخ لبى قلبك وكلك والله... بالنسبة لأغنية أحلى الايام!!!<<<ما يسمع اغاني ههههههههههه لا لا بلا امزح... الاغنيه ذي أحبها مره لانها كانت الأغنيه الي عرفتني فيك... وبعدين انشهد ان راسك فيه فتحاااااااااات مهيب فتحه اشلون تسال وانت عارف قصتها كامله..!!!
الاغنيه ذي اول ما دخلت الجامعه كان اليوم الاول الي تعرفت فيه على شامخ الهاااامه في كلية الفنون... وتعرفنا على بعض هنااااك هاثمن ياخذ ايميلي حق الجامعه... الا وفي نفس اليوم مرسل لي الاغنيه ذي وانشهد ان كلماااتها حلوتن جداااااااااااا وتذكرني فيك ياشامخ الهامه!!!!!
وارد عليك في كل مقطع وابشر وفالك طيب...
أحلى الايام الي فيها عرفنااااكم ..وليالن حلوتن طاب السمر فيها....حييت روحي بشوفتكم ولقياكم عقب ماكانت نفسي الكدر فيها..
الله يسلمك ياشامخ الهامه وانشهد انها فعلا احلى الايام الي عرفتك فيها... وأيام حلوة والله ..وفعلا الروح تحيا بمثلك وشرواااك ياعريب الساس..وان شاء الله ان الكدر ما يجي نفسك الطيبه!!!!
تبادلنا وثوووق الود وياكم وكاس الحب دارت في لياليها..أمل روحي حياة البال مغلاكم...بحبك تنتعش نفسي وتحييها...
وبارك الله فيك يا شامخ يشرفني والله اني أتبادل وياك مواثيق الود...وانت والله عزيز وغالي ...
عن الباجين نفندكم ونهواكم....مودتكم لزوم انا نرااااعيها....ولو تفرق بنا الأيام ذكراكم دوا الفواد وروحي تشافيهاااا...
وبالنسبه للموده فانت والله ما تقصر الله لا يقصر ايااامك ياشااامخ...وان شاء الله ان الايام ما تفرق بينا<<اذكر الله يارياااال <<<اذكر الله هههههههههههههههه...
أسلي ضيقة الخاطر بطرووااااكم ....ولي نفسن بذكراكم بسليها..حياتي مهجتي والروح تفداااكم...نظر عيني وما غيرك سكـــــــــن فيهااااا...
وانشهد اني الي معك ياشااامخ الهامه ما يجيه الضيق.... وبارك الله فيك على الشعور الطيب!!!
وعشب القلب يتهنى بخطوااااكم..وتخضر ارضن اجدااامك مشت فيها...بحيث انك كريم النفس يمناااكم..سخي المخايل من معاليهااااا....
ماادري وش اقول لك ياشاااااااااااامخ ... لكن ترى الطيب منك وفيك طال عمرك ....وانتوا أهل الكرم .....
عسى الايام تلم الشمل وألقاااكم..ونشرب من المحبه عذب صافيهاااا...ختامي حقق المولى نواياكم ودنياكم لكم السعد يهنيهااااا...
أميـــــــــــــن أميــــــــــــــــــن<<<الي يسمعك ياشامخ ما يقول انك مقابلني 24 ساعه <<<ههههههههه الله يرجك بس.... والله لايفرقنا ان شاء الله ...
هاه وش رايك سويت مثل ما انت طلبت الله يرجك..بس!!!!!
3: العنيد شو هي امنيتك في الحياااااااااااااه<<<<< ههههههههههههههههههه
وليه تضحك؟؟ امنيتي هي رضى الله تعالى ثم والديني واكمال دراستي..!!!! والامنيه الي انت خابر الله يرجك!!!!!
4: احلى موقف مريت فيه وعمرك ما تنساااااااااه,,,, وموقف او شئ حصل لك سئ عمرك ما تنسااااه ؟؟؟؟؟؟؟؟؟؟
احلى موقف اوكيك بذكر لك موقف في الجامعه صار وانت تدري به لكني بذكره كذا كيفي كيفي:
موقف حدث معي ومع سامي الروح...كنا في اللاب الخاص بالحاسب الألي قبل سنه تقريبا...وكنت قد دخلت للانترنيت من اللاب الخاص بالجامعه في ذلك اليوم..وفجاة وانا أسجل في نظام الجامعه دخل على شبكة الجامعه فيروس كبير ههههههههه خرب على أي طالب او دكتور ذيك الساعه كان شابك في اللاب!!!!
انا انذهلت حقيقه ولا عاد حركت ساكن ...وخفت على اللابتوب حقي وبشكل كبير ..طبعا الجامعه حاولت تحل الوضع حيث استغرقت العمليه ثلاث ايام !!!
وفي خلال الايام ذي كنت جالس في مكتبة الجامعه اتصفح احد الكتب..وجاني سامي الله يرجه وقال يالعنيد ممكن استخدم واير النت حق اللابتوب حقك ..لاني نسيت حقي في البيت..قلت أي بالله ..الا الواير وراعيه فدوتن لك!!!
طبعا ذا سامي انسان ملعون..نعنبا خشته ذيك..اخذ ذا الواير وانا الواير حقي جدا طويــــــــــــــــــــــــل...ثم بعد نص ساعه جاب لي في يده واير وفي يده الثانيه واير ثاني.. وداسنه وراه...وانا اصلا نفسيتي تعبانه عشان الجهاز حقي..وخاصة انها فترة تسليم بحوث وغيره!!!! فقال يالعنيد خذ الواير حقك!!!..
.قلت وش قومه الواير قصير انا وايري طويل!!!
قال وجع ان شاء الله الفيروس صغر الواير وخلاه كذا!!! انا بحلقت بعيوني ههههههههههه كادت القرنيه تطلع من محلها واصير مثل الجاحظ<<<<قلت بالله عليك ذا صدق صار!!!
عاد سامي انسدح ضحــــــــــــك علي هو ومجموعه كان يشوفون الموقف الي دار بيني وبينه..قال انشهد انك صدق دجه الواير ذلحين بيصغر من الفيرووس!!!! قلت اش دراني انا <<<اني انهبلت من الي شفته حصل في اللابتوب حقي والمستحيل اصبح ممكن !!!!
موقف سئ عمري ما انسااااااااااه: هو وفاة اخي محمد رحمه الله في حادث سياره ... هذا الي عمري ما راح انسااااه..والله يرحمه ان شاء الله!!!!!
وباااجي اسئله واااااااااايييدددددددددددددد بس هب هالحينه,,,عقب برد لك يعني لو صولات وجولااااات على قولتك,,,,,,,
رد رد ياشااامخ متى ما تبي وحيااااااااااااااك الله يالسناااااااااافي في اي وقت!!!!! وليه صولات وجولات حنا في حرب الله يرجك!!!!
ومشكووووووووووووور يالعنيد مشكوووووووووووور رفيييج دربك شامخ الهاااامه
العفو العفو العفو العفو يارفيج دربي العفو طال عمرك!!!!!