في يوم كنت اتمشى في مدينة روما الإيطاليه من شارع الى شارع ومن محل الى محل
:
وكان الجو جميل وبراااد
:
المهم وانا اتمشى مريت على هذي البوابه الكبيره
:
اعجبني منظرها وقلت يالله ندخل ونشوف شنو في وراها, طلعت البوابه تدخلنا لجسر للمشاة
:
وهذا الجسر يمر على نهر
:
الجهه المقابله من النهر
:
صرت اتمشى على الجسر يمين ويسار واتفرج على خلق الله
وانا جالس اتفرج و اتمتع بالمنظر لفت نظري وجود شي غريب على هذا الجسر المفروض مايكون هذا مكانه ابداً لكن شالي جاب هذا الشي هنا..!؟
شفتلي بنت عندها طاوله عليها عشرات الاقفال اللي هي موضوعنا!!!
:
!!!!!
وش جاب هذي الاقفال على جسر مافيه أي باب عشان يتقفل..!؟
في العاده اشوف ناس يبيعون ورد او نظارات وشنط يدويه او أكل لكن اقفال غريييبه..!!!
رجعت التفت للجهه الثانيه شفتلي وجه مألوف لي
بنقالي عنده طاوله ثانيه لكن اكبر وعليها بعد اقفال
شسالفة بنقالي!! ::
وش يسوون هذولي؟
وحق شنو هذي الاقفال؟
اللي اعرفه ان البنقاليين مايبيعون الا بلى وجلى او يمررون مكالمات هذا وش جابه هنا..!؟
لكن قلت يمكن هذا البنقالي سمع ان الراجحي في بداية حياته كان يبيع اقفال وصار الحين مليونير وناوي يسوي مثله
رحت للبنقالي, على قولتهم وجه تعرفه ولا وجه تنكره
سلمت عليه
وكنت مستحي اسأله عن هذي الاقفال لانه كان وضعها طبيعي بالنسبه لهم ولا فيه احد مستنكر الوضع
قلت له انت عايش هنا من زمان
قال لي 15 سنه وكان يتكلم لغه البلد بطلاقه
قالي انت كويتي (طلع ذهين)
قلت ايه
قال انا اشتغلت في الكويت قبل 15 سنه لكن الحين نسيت اللغه العربيه
المهم قلت وش تشتغل الحين
قال ابيع اقفال
تمام وصلت للي ابي
قلت له ليش تبيع اقفال؟
قال عشان اي واحد يحب وحده او يبغى يهدي زوجته هديه
!!!
قلت له يهدي حبيبته او زوجته قفل؟!
قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواصير المنتشره على الجسر وبعدين يرمون المفتاح في النهر
قلت ليش هذا كله؟
قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل
بعدين قالي انت ماتشوف المواصير اللي على الجسر كيف مليانه من الاقفال واشر لها
انا طالعت للمواصير وذهلت من المنظر شي مهول اعداد هائله من الاقفال على كل ماصوره وكل عمود وكل زاويه وفي اي مكان يصل له القفل
طلعت الكامرة وصرت اصور العمدان والمواصير في كل مكان الين تعبت
.
.
.
.
.
.
.
بعد مانتهيت من التصوير ناداني البنقالي
قالي ماتبي تشتري قفل
قلت لا
قال ماعندك حبيبه
قلت الا عندي
قال خلاص اذا تحبها لازم تشتري قفل وتكتب اسمك واسمها والتاريخ عليه وترمي المفتاح في النهر
الصراحه احرجني
وقلت بالمصري (مابدهاش)
وشريت القفل منه وسوالي تخفيض علشان صار صديقي وكتبت اسمي عليه اسمي بلحالي والتاريخ لكن مارميت المفتاح في النهر تركته معي
وهذي صوره قفلي :^
.
.
.
.
.
.
.
.
.
.
.
تم حذف الصوره لاسباب امنيه
تدرون ليش مارميت المفتاح؟
لاني الصراحه يمكن احتاجه في يوم من الايام
وشكراً
والصراحة لا سافرت ايطاليا ولا شي هذا ايميل جاني وحبيت انقله لكم 