بير
ألا يالحمـام اللـــي تجـــر اللـــحون عصـــير= هنيك تغــني من طـرب مانت مجروحي
هنيّـــك الـــى ضـــاقت عليك الــوساع تطير = تفــــل الجنـــاح اويــن مــا ودك تروحي
دخيلك تكف الصــوت لالاجــــزيت بخــــير = وانا خابــــرٍ مالك بذا الطرق مصـلوحي
الى اوحيت صوتك في عيوني الدموع تحير = ومن جور مابي قــمت أجاريك وآنوحي
وهني الـــذي يـــارد علـــى جـــال تاك البير = ويصـــدر ولكن شامـــت القوم ما يوحي
وياخـــذ مــع اللــي حولـــها ســالفه ويســـير = لوإنـه غـدا صــوته مـن البعـد مبحـوحي
فــلا ادري وش أبلغ مــا يوفــيه مــن تــعبير = ســوى كـل منــا يكشــف السـر ويبوحي
واذا شفتني جالـــس وغـــرقان فــي التفـكير= وبـــرق الحـزن والــهم بعـــيوني يلوحي
ترى الناس فــي وادي وانا وســط وادٍ غــير = بجسمـي معـاهم ميرمـع صاحبي روحي
خذاهــــا وروّح مــن مقـــيله مــراح الطــير = وقفـــــى ولا بــعد المـــقفين مصــلوحي
الشاعر//مانع الهميمي