|
مستور العصيمي وجبناء البلوتوث
الشاعر الكبير مستور العصيمي كثير الحديث (بأحد موالات محاوراته ) وتداوله بعض المغرضين عبر البلوتوث في الهواتف الجوالة و قد أتى بهذه القصيده
والتي يجدد فيها الولاء والبيعة ويستنكر على من رماه بالعقوق ظلما وبهتانا ..
ســلام مـنـي عــد مايـطـلـع الـنــور=واعـداد ماتمطـر مـن الغيـث غيـمـه
سـلام مـن شاعـر محـنـك ودكـتـور=دكتـور فـي بـدع اللحـن والوسيـمـه
بابور فكري يطـرب امـواج وبحـور=ويزفـنـي بـيـن الـبـحـور الطمـيـمـة
يابـن فهـد يامحكـم الـراي والـشـور=حكيـم مـن روس الـرجـال الحكيـمـة
عبدالعـزيـز بطـيـب الفـعـل مـذكـور=الكـل يدعـي لــه عـسـى الله يديـمـه
عد الروى يصلونـه ورود وصـدور=يـروي الكبـود الضاميـات المحيـمـة
لـه مـع رجـال المعرفـة والكـرم دور=الاصـل طـيـب والمـواقـف عظيـمـة
يامير انا في مهجتـي قصـر معمـور=مـن دونكـم مـاشـوف للعـمـر قيـمـه
واخلاصنا من ماضي الوقت مخبور=مخبور من ماضي العصور القديمـه
يامير انـا مـن فعـل الانـذال مقهـور=تحريفـهـم للـقـول احـســه جـريـمـه
سمعـت بيـن الاجهـزه علـم منـكـور=مايفعلـه مــن فـيـه غـيـرة وشيـمـة
محرفيـن الصـدق بالـكـذب والــزور=اهــل الحـكـايـا والـحـقـد والنمـيـمـة
يقلون شوفوا واسمعوا قول مستور=وهــي عـلـي مــن الظـلايـم ظليـمـه
احلف وانا ماني على الحلف مجبور=انــي لـكـم مخـلـص بـنـيـه سلـيـمـه
ياعـل مـن خلفـك فـي جـنـة الـحـور=فـي جـنـة الـفـردوس ينـعـم نعيـمـه
.
التعديل الأخير تم بواسطة : العوووود بتاريخ 08-10-2005 الساعة 08:13 PM.
السبب: .
|