في خاطري شي وامسيت مغبون =والقلب يحرق والمسافة طويلة
ماكني الابين المحابيس مسجون =من هم مازد طاق ظهري يشيله
حسبي على الحب والي يحبون =تجرعت انا من كاس مرة وويله
وهاجسي ذا اليوم والله محزون =وما معي غير الشعر باليل حيله
واحسبك في بعادي من الي يحسون =وكنت احسب ان قلب المفارق دليله
ليت العرب بالي في عيوني يدرون =يدرون وش معنى مجنون ليله
صرت احبك لين وصلت الجنون =تعديت في حبك الف ليله وليله
سالت ويش الي في حبيبي تظنون =ردو وقالو روح دور بديله
كنت اقول الناس هولا يحسدون =يبغو يفرقوا مابين خل وخليله
قالو بيجي يوم وتشوفه ايخون =ماكنت اصدق لين شفتك مليله
لين السهر حارب اهداب الجفون =والقلب من همه تزايد عويله
ماني من الي يقول لناس تكفون =لي عزة تفرض عليا الفضيله
ما انحني لك لوتكن من ما تكون =بس فيني تجمل والجمايل جميله
كنت احسب اني لقيت خلٍ حنون =ويش الذي غير فوادك ومشعل غليله
آه لوتدري كلما اغلقت العيون =أشوف طيفك والعيون الكحيله
واعيش دنيتي خارج مدى الكون =واعيش حلمي في ثواني قليله
وافتح عيوني بالهون بالهون =يمكن اشوف طيفك قبالي واجيله
واروح واسري مع الي بيسرون =من بعد ماهد السهر كل حيله
وانتظرليلي لين به حل السكون =واسترجع افكاري وذكرى جليله
وكلما تطري على بالي اشجون =ينهد صدري والضلوع النحيله
وصدري ماعاد يتحمل طعون =ولاتحسب ان طعنتك حبيبي سهيله
احاول انسى بس العواذل يذكرون =يذكرون قصتنا ليله بليله
والله لوتدري وش معن الغبون =كان شفت دموع عينك هميله
وما ودي اسرد والعواذل يسمعون =بس كلما ذكرتك يفوح بني وهيله
وفي خاطري شي وامسيت مغبون =والقلب يحرق والمسافه طويله
اتمنى من القراء اعطاء رايهم فيها