الســلام عليــكم ورحمه الله وبركاته
كـلامي موجهه لادارتنا الكريمه وانا على ثقه تامه فيها وفي شخص ابو حمد الشامري
واطالب ادارتنا ان لاتسبب حساسيات مع اخوانا من القبائل الاخرى
لان الموضوع مستفززز خاصه وضع بنر له بالصفحه الرئيسيه
انا مافيني عرق عنزي لا خوال ولا اي قرابه بيني وبينهم
ولا حتى عرق شمالي لاكن ارفض ان نسيء لهم باي شكل من الاشكال
نعم هذا الشاعر يمثل عنزه لانهم من اخرجوه واهلوه لشاعر المليون ودعموه
انا ماتكلم اقول هي له او لا عز الله ان الصوت صوته لاكن كل شخص بيتكلم ولابيقول قصيده
نحط بنر بالصفحه الرئيسيه ونهاجمه ونشهر فيه ؟؟؟
حنا ماندري وش الاسباب الي او لمن موجهه القصيده بالذات
بس الي اعرفه والي متأكد منه الشخص ماقال هالقصيده بالعلن
لو قالها بالعلـن مالومكم تتكلمون عنه
والله انا اذكر يوم سالفه محمد ابن الذيب في قصيدته سوق شرق
دخلت احد المنتديات لقبيله اخرى وشفتهم يهاجمونه ويتكلمون عنه كلام بذيء
تضايقت وحسيت بانهم حاقدين على العجمان ولاعاد دخلت منتداهم مره ثانيه
وخذيت موقف منهم
بتقولون محمد ابن الذيب خطأه اقل وماسب صح
لاكن محمد ابن اذليب يوم انه اعتذر كانت قصيدته بالعامه وامام الجمهور
وفوق ذا كله بالكويت !!!!
وكلنا وقفنا معه ضد الاشخاص الي هاجموه
تطلبون من خلـف مشعان العنزي يعتذر وهو ماقالها امام الجمهور
ياخي بلوتوث والبلوتوث حتى في الجرائم لايأخذ كدليل رئيسي بالجريمه !!
اتمنـــى من اخي ابوحمد اكراما لابناء القبيله العزيزه علينا عنــزه وابنائها الي نرتبط معهم بخوه ورفاقه
ان يشيل البــنر بالصفحــه الرئيسيه على الاقل
مــع الشكـــر لكم أخيكــم:فهد العجمــي