اسمعك يلي تناديني يابو قلبآ خلي=بس انا ماني خلي القلب لجل اسكت واجيك
الخلي ماهو قلبن من هيامك ممتلي=الخلي قلب ادمي ان شافك ولا هام فيك
انت زعلان لجفاي ومادريت ان زعلي=يوم قلبك مايبيني قد ماقلبي يبيك
حتى لو عيت همومك في غيابي تنجلي=كل هذا مايساوي لهفتي يوم احتريك
كان ماصدقت هرجي طيب اسمع مايلي=ياحبيبي ياعسى ربي يحفظك ويهديك
جايز انك في غيابي تقلب الدنيا علي=بس انا من قبل اعرفك قالب الدنيا عليك
فــهـــد الــمــســاعـــد