[ناصر آل ذروه]

السلام عليكم ورحمة الله وبركاته



بعد التحيه كيبورديه استعجلت في طرحها لمواكبة الحدث

ارجوا ان تنال ربع الذائقه ..

ياليت بن مسعود وجريس جلبان=وناصر بن قتمه وجرمان جرمان
وحزام بن عامر وفاران وحزام=وعامر بن جفن ومحمد وراكان
وخميس وضيدان وغيره وغيره=يدرون بفعالٍ من افعال عجمان
يوم انها باصوت والصوت حاسم=غابوا عن التصويت ربعٍ وخلان
17 عشر الفٍ عددنا وتكفي=تكفي بفوزٍ يحرق كبود عدوان
وغابوا من العجمان اربع الوفٍ=خلت ممثلنا من الناس خسران
من غاب عنا ما عذرنا غيابه=الله يجازي من نوانا بالاحزان
هذا وهي بالصوت وشلون لو هي=بسيفٍ يقص الروس من فوق الامتان
ليلٍ على العجمان غابت نجومه=يشبه لليلٍ مر من دون شرفان
كله من اسباب النفوس الضعيفه=لاهمها سمعه ولا همها شان
يالعنبوا من هو عن الصوت عيا=صوتٍ ينومسنا شبابٍ وشيبان
اقولها باحساس شاعر حماسي=خابت ضنونه بالرفاقه على شان
خالد بن عدوه عسى الله يرده=ويمسح خطى من هو من الربع غلطان
وان كان مالله راد تراهي كسيره=كسيرةٍ تحسب على مر الازمان

...........