بسم الله الرحمن الرحيم
السلام عليكم ورحمة الله وبركاته :
اخواني الاعزاء هذه قصيده للشاعر المعروف سلطان ابوثنين اعجبتني لما تتسم به من معاني جزله وقصيده تفرض تواجدها في منتدانا الرائع واليكم القصيده ارجو ان تحوز مشاركتي على رضا الجميع :::::
يالله يامعبود يارب الافلاك
ياسامع(ن) نجواي تلطف بحالي
ياواحد(ن) ماخاب حي(ن) ترجاك
يامفرج هموم(ن) عليه ثقالي
ياغايث الملهوف لامن تنصاك
اللي شكالك من صدوف الليالي
مركيلك احجاجي وراجي عطاياك
طالبك في هم(ن) برى منه حالي
محد(ن) سواك يحلها محد(ن) سواك
ياعالم(ن) دعواي واللي جرالي
قلبي سطابه جرح بالحيل فتاك
منه حياتي مشرفه للزوالي
ضاعت سنيني بين هذا وهذاك
ويوم(ن) طواه الدهر مرجيه تالي
حسبي على اللي زارع(ن) دربي اشواك
يذوقه ربي على الكبد صالي
بعض العرب ماهو على الخير مدراك
هو ماحسب لحساب رب الجلالي
يبلاك في نفسك ولو كانك اهناك
لوك تبي فرقاه ما أخلى مجالي
كنه على تشتيت شملك تحداك
لو كان فاله مايعارض لفالي
سود النوايا لاتجي من ضحاياك
تنجسك لو منزلك كان عالي
سفهانها خير(ن) لدينك ودنياك
واطهر لطاري اسمك ليا جاء مقالي
قلت المثل والخافي اعظم وماجاك
ياأغلي من الغالين ياراس مالي
لولاك والله ياحبيبي ولولاك
ماشيل حمل(ن) ماتشيله جبالي
شربت فنجال الغلا عقب يمناك
من دلت تسوى جميع الدلالي
للكيف قمه واكثره من مزاياك
ياماخذه كل الوصوف الجزالي
زين العذارى كلهن تحت موطاك
تفرق عليهن بالغنج والدلالي
سبحان رب(ن) ميزك يوم سواك
واكبر دليل اصبحت مضرب مثالي
احفظ عهود اللي على العهد خواك
ولا هوب لامن غاب داله وسالي
خلك على ظنه اليامن تمناك
لا قدم الخطوه وكثر الجدالي
ماعقب ذاك الوقت وقت(ن) بيلقاك
اما حرام تصير ولا حلالي
وقت(ن) يبين فيه زرعي ومجناك
طول السنين اللي كدرها شكالي
جب ماعلى بالك من اقصاك لأدناك
اما كدر ولا شربنا الزلالي
جاك الصحيح ولا بقي شي يخفاك
وافهم على المطلوب مالك ومالي
الشاعر ::: سلطان ابوثنين