حسي بلوعات الليالـى والاحـزان = بعديـن حسـي بالهـوى لابغيتـي
وش بيهمك لـو يقولـون زعـلان =لو فيك ذره من غلا مـا جفيتيـي
ياللى تقولين الخطـا زلـة السـان = فى زحمـة الايـام ليـه اختفيتـي
خطاى وان جا مدرى الذنب وش كان = ليه انتهـى ذاك الغـلا وانتهيتـي
وقفت فى وجهه الزمن قدر الامكان =وانت جنح فيـك الخيـال وغفيتـي
غلطان انا فى كل الاحوال غلطـان =أسرجت لك خيل القصيـد وسريتـي
جيتي وقلت الجرح يوم اقبلت هـان =وانتى على الجرح القديـم ارتكيتـي
قلت لى ان الحـب لابـد ينصـان = واليوم مـا كنـك دقايـق هويتـي
شافوك حساد الهوى شوف الاعيان = يومك على رجـم القصايـد رقيتـي
ما بان شي ولا بقى شـي مابـان = بس انتى اللى غافلـه مـا دريتـي
العام لك طاري بقلبي ولـك شـان =واليوم احس .. بغلطتـي لا طريتـي
وأن قدر المولى وعشتي بحرمـان = من حر لوعـات التجافـى بكيتـي
تذكرى قلب لـه سنيـن شفقـان =شوفى بحقـه ياكثـر مـا خطيتـي
كل القصيد اللـى أقولـه علشـان = تهزك الذكرى ...عقب مـا نسيتـي