السلام عليكم ورحمة الله وبركاته
اخواني واخواتي " الاعزاء " يسرني ان اضع بين اياديكم الكريمه قصيدتي الجديده ~ وارجو ان تحوز على رضاكم واستحسانكم ( واعذروني على التنسيق لاني ما اعرف لها ) واذا فيه احد يتفضل ينسقها اكوون شاكر له, ولا اطيل عليكم "
أنفاس خلّك عقـب غيبتـك ونّـات=
يا من عن دروس الهوى ويـش درّاك =
تعااال.. وغن اللي كتبته من ابيـات=
بعلّمك وش صار لـي قبـل ملفـاك =
الوصل مثل الزرع والزرع ما مـات=
دامك ولو طوّلت تسقيه مـن مـاك =
والموت من عقـب المحبّيـن جنّـات=
وش فايدة دنياي من عقـب فرقـاك =
مـوت" ينسّينـي همـوم ومعانـات=
ابـرك مـن الدنيـا بغيبـة محيّـاك =
دام الوفـا منهـج لنـا فالبدايـات=
لا تخلّـي العـذّال تخلـف نوايـاك =
لا تسمع اللي قال قوله بـلا اثبـات=
واحذر صديق" ما مشى الاّ مع اعداك=
لان همّهم تنقض عهـود الصداقـات=
وتهدم صروح" شيّدت يـوم لقيـاك =
يا أم العيون الناعسـات الكحيـلات=
ياللّي الحلا مصنوع من دمـع عينـاك=
تـراك رامينـي برمـوش" هديبـات=
صوبّتني فالقلب ما اخطيـت مرمـاك =
واستنفر فـوادي وسـوّى حمايـات=
ودقّ المنبّـه للطـواري وخــلاك =
وارسلت من عندّك جيوش" وغارات=
واحتل جيشك قلبي اللـي تحاشـاك =
وعقب انتصارك قمت اردّد عبـارات=
ااهواك يالقاسي وأدوّر على رضـاك =
بعد احتلالك قلب يشكي الاصابـات=
ينزف من الشريـان لا مـرّ طريـاك =
العرق الايمن فـك كـل المسـارات=
ون ايتوجّد يـا وجـوده لـلامـاك =
والعرق الايسـر باعنـي بابتسامـات=
لا واعذابـه مـن حلايـا شفايـاك =
حبّك سكن فالقلب مابـه مـراوات=
وطالبك تنقذ عاشق" مـن ضحايـاك =
انت الطبيب وطالبك بـس طعنـات=
اكشف علي وتشوف طعنات شلفاك=
عطني الدوا لا هنت واصرف لي وهات=
الله علـى درب الوفيّيـن يـهـداك =
ردّت وقالت: ابشر انهـا سلامـات=
ادواك عندّي وابشر وبصـرف ادواك=
وش رايك من اليوم يا صادق الـذات=
نبدى العلاقه جد .. واوعدك ما انساك =
صدقك بناله فـي خفوقـي محطّـات=
يعني نظـر عينـي ولا اظـن يخفـاك =
وعهد" علي لا اعوّضك كل ما فـات=
واغبن قلوب" ما تبـي غيـر مقفـاك =
قلت ارحبي ثـم ابشـري بالمسـرّات=
وان قاله الله ان احقّـق لـك منـاك =
والموت من عقـب المحبّيـن جنّـات=
وش فايدة دنياي من عقـب فرقـاك =
وســـــــــــــلامــــــتـــكم
اخووكم "" صالح محمد بن عشلان: