يمكن بتنساني وتلقى بدالي..
يمكن تغيبني ظروف الليالي..
والوقت هذا والسفر والمسافه..
يمكن تعاتبني لقل إتصالي..
تحسب ضياع المال مثلي يخافه..
يمكن تناديني عديم الوصالي..
لامرك أسمي قلت له : ياحسافه..
يمكن تحسبني كثير التعالي..
وإلا حضورك عندي أنه كلافه..
يمكن تخاصمني تفكر سؤالي !
وإلا إهتمامك في غيابي لقافه..
يمكن بتنساني وتلقى بدالي..
أصحاب وإلاأحباب لك أوخلافه..
يمكن تفكرني أنا شفت حالي..
وإن التكبر صار عندي ثقافه..
وإلاتحسبني من الشوق خالي..
يمكن ظنونك بالمتن والنحافه..
يمكن ويمكن وأنت والله ببالي ..
القلب ماغيرك من الناس شافه..
رغم المسافة والهجر أنت غالي..
اللي بطيبك كيف مثلي يعافه..
لاتفتكرفي غيبتك يوم سالي..
والشعر يشهد للذي قال قافه..
يمكن تصير المعجزة و المحالي..
(أما تقول أنساك هذي خـــــــرااافه)..
:::
ممـا راااق لي ونقلته لكم ..