[قضى ليل الهوى طلابه]

اهداء لروحه فقط

من يلوم العين لو هلت دموع=ومن يلوم القلب لو صفّق وصاح
لي حبيبٍ راح ماطرى الرجوع=( ليتني ودّعت زوووله يوم راح )
آه من قلبٍ كفخ بين الضلوع=مثل كفخ الطير مكسور الجناح
ليتني وسط الخلا واعطش واجوع=ولاسمعت اللي نعى هاك الصباح
ساهره ياخوي والعالم هجوع=ليت منهو مات قبلك واستراح

\
/
\

اللي رحل عني بلحظه وانا ارجيه=وادعي بعالي الصوت مالي مجيبي
لو ينفدا بالروح والله لفديه=افديه باللي لي بعيد وقريبي
كلٍ يداوي جرحه اللي سطى فيه=وانا جروحي كاميه ماتطيبي
يا ( ؟؟؟ ) عني رحت .. ياعزوتي ليه ؟!=خليتني ياخوي قلبي صويبي
امشي مع المخلوق واللي بي اخفيه=واسهر طوال الليل وانحب نحيبي

\
/
\

إمنولٍ ( ياخوي ) سلواي جمعاك=تشيل عني كل بلوى شديده
انتَ رحلت .. ووالي العرش ناداك=عساه لك مشتاق صفوة عبيده
عساه يوم الحشر( ياخوي ) يرعاك=يثقل موازينك ولاجرك يزيده
واليوم انا ( ياخوي ) سلواي طرياك=صورتك في عيني / وذكراك اعيده

\
/
\

اضحك وانا قلبي من الحزن ملهود=واغضى واذل العين تنثر دررها
رضيت بالمقسوم وايامي السود=وكتمت نيرانٍ تطاير شررها
ابي رضا ربٍ كريمٍ وماجود=علام مافي برها مع بحرها
لعل يجمعني بهم خير معبود=في جنة الفردوس نقطف ثمرها

\
/
\

قلت ولصدري تناهيدٍ .. تروّع من شهدها=آآآآه .. واويلاه من يجلب على قلبي ضنينه ؟!