حجز أول
الشعر والحب .. وإلا مْقابـل الترفـه
ما كان عمره دوى لمْفـارق أوطانـي
يا عايد شلون ألاقي لغربتـي صرفـه؟
شفني على حطة التوديـع .. تلقانـي!
أحس كن السوالف بيننـا: "شُرفـه"
أطل منها معك وازفر بهـا اشجانـي
تعبت اشوف العذر للدمع .. واقترفـه
واسمع صدى للرجا في صوت شيباني!!
ياما لعنت السفر.. وغيابي.. وظرفـه
لامن ذكرت المسا في جَمعـة أخوانـي
يرحم زمان ٍ مضى.. هالليل ماعرفـه
والحين؟ كن السهر مصبوب بأجفاني!
وحيد صار انعزالي ذنـب.. واعترفـه
وأبقى اسولف على آذان حيطانـي..
من قال تملك إذن حيطان هالغرفـه ؟؟
صقْهاااا .. ولاحْد ٍ سمعني غير جيراني!!
واهرب مع الشعر لجْل انساق مع حرفه
ويضيع حرفـه إلـى منّـه تهجّانـي؟
وأهييييم كني جبل بهمـوم منجرفـه
في كل شارع تركت آثـار لاحزانـي
وارجع ولا قد بقى لي شوق واحترفـه
ويطل صبح ٍ .. وأتمتم شي بلسانـي:
يسعد صباح البياض اللي صحى طرفه
وبيت ٍ معه يصطبح كل ٍ على الثانـي!
من عقبهم؟ صار هذا الصبح ماعرفـه
دامه يمر .. ما أقبّـل روس شيبانـي!!
يا سلااام يا سلام عليش يا صدى الذكرى
صح لسان راعيها
قصيده ولا أروع
لا هنتي على النقل المميز
تقبلي خالص الود