كلام العقل يرجح لاوزنه العقل بإلميزان = وله ناس إليا من قلتها تعرف بأساميها
يقول الشاعر المعروف من يام اهل نجران = سلاطين هل البيعات غلابة معاديها
سمعت البيت ذا بيت يقوله شاعر بطران = وجاريته مثل ماقيل والدنيا لواليها
ابن حزمه شريم يقول قول وافي مليان = وانا آجاريه حسب العرف والجزله نبديها
يقول الشاعر المعروف من يام اهل نجران = سلاطين هل البيعات غلابة معاديها
اهل بيعه واهل وقفه واهل فزعه واهل عرفان = واهل حلم عن المخطي ليا صارت بأياديها
محن نخطي ولانرضا الخطا وإن زاعنا الديان = نوقف له على وضح النقاء ماحن نغبيها
ولامن حن خلصنا ماحججنا تلتوي بأرسان = وترى عيلة قصير البيت لو كبرت نمضيها
وخوي الجنب بوجيه حماها الله مهي عيبان = مهي بوجيه قوم حدها يطعن ثناديها
وعلى منهج رسول الله نسير ونلعن الشيطان = وكلمتنا رسول الله في اولها وتاليها
وشيمتنا مهي ترضا لنا في الزور والبهتان = اهل صدق المواقف والعوادي ذي مباديها
قبيلة يام هم يام المواقف والزمن برهان = وحنا يام يام الحلم والوقفه لأهاليها
ولامن حن تعلينا على عوص النضاء شجعان = قطعنا فرجة ماكل قطاع بياتيها
وحنا نصرة الدين الدين الحنيف بماضية الأزمان = ولازلنا يكون إللي إبليس العود مغويها
وقفنا وقفة ماوقفوها الترك والألمان = وسوينا سوايا ماحد يقدر يسويها
كسرنا جيش لايكسره لا الجني ولا الإنسان = إيلين إن حاكم الديره نطق من اللي يقاويها
نبركها على صم الصفى ثم ترغي الحيران = وتعاطف ذودنا لامن طمرنا في تواليها
عزاوينا لما ثار الغسام تجري الذلان = وعسى اللي ماتثور تثور لي ثارت براعيها
ويلين إلنا الحديد إللي لغير جدودنا مالان = ويضرب جمعنا جمع العدو إيلين يفنيها
حكمنا اربع مية عام من الباحه إيلين عمان = ومن وادي الدواسر لي اليمن والرب حاميها
ولايمشي بها غير المسير والعدو إيهان = ومن يطمع يبي خلفاتنا جعله فداويها
ولازلنا على الحد السعودي والوفاء عنوان = كما السور المثبت دونها والروس تفديها
وكلاّ يفتخر في لابته والكل قوم شان = وحنا إللي الدول تشكي إليا قمنا نصاليها
من اخطا نخزمه ونحط من فوق الخزام إعنان = ونجره جر لين إنثبت الحجه بأذانيها
ويعود عن هقاويه ضعيف خاوي خسران = وحن رقصة طبول الحرب من بعده نغنيها
رقصناها بعد ياتي وعدناها بعد الأكوان = لحيث إن جمعنا يخلف جموعه عن هقاويها
وبعد الإسلام جاء لي حن على منهجك ياالإيمان = نحج البيت ونزكي ونعطيها معانيها
تقول إسلومنا سنه ومعظمها من القرآن = لأن الله خلقنا الأمه إللي يقتدى فيها
نعم دام ابن ابي طالب علي قد قال في همدان = الا يارب تحفظها وسدد في خطاويها
وهذا والتحيه والسلام إعداد ماالهتان = سمر ليله يعل ارض نوى الرحمن يحييها