قصيده مهداه من الشاعر علي بن مانع بن حنش ال عامر إلئ هادي بن منصر ال قريع وعموم قبيله ال قريع لمقبالهم المشرف علئ قبيله الصقور.
"""""""""""""""""""""""""""""""""
ياهجوس الشعر نبغا نوصلها النجوم،،،
والمعاني حصنها والخبر فعلومها،،،
ولله انه مالحقنا السهر نشكي هموم،،،
وما شكينا ذا الليالي وظرب سهومها،،،
ياعرب لا شاش راسي علئ فعل القروم،،،
قمت اترجم بشعِر كيف قو عزومها،،،
اعتزا هادي وشوش بنا من كل قوم،،،
يوم ربعه هول الناس وقع اعلومها،،،
ولله ان راسي تعدا السحايب والغيوم،،،
ارتفع صوب السما لين زل غيومها،،،
عزوه ال قريع منصا المراجل وسلوم،،،
بشروا قومٍ نصوهم بِجل همومها،،،
كم وكم قومٍ تطر المحازم والهدوم،،،
يوم شافت صفها اقبل تظيق اهدومها،،،
هم هل العليا وهم قوم مافيهم رخوم،،،
هم صقورٍ فسما تعتلي وتحومها،،،
هم خزام الي حربهم وهم مثل السهوم،،،
تندفع للخصم حتئ النفوس اتسومها،،،
هم ذرا الي حده الوقت مايقدر يقوم،،،
هم هل الفزعه لاجا شانها ولزومها،،،
عن حلال إظعيف القوم تعتز وتشوم،،،
قسمهم في لوله والسمان اترومها،،،
القريعي راس قومٍ مقدر ومحشوم،،،
خلو اهل السم تكتم خبيث سمومها،،،
اخر اقباله تزيد المراجل والعزوم،،،
صنفوهم فول القايمه من يومها،،،
دون قاصر في قبايل لهم عزٍ يدوم،،،
غير فقبال القريعي ترا مالومها،،،
قلتها وانا من الي يذكون الخصوم،،،
أل عامر عزوتي والفخر بكمومها،،،
حن شيوخ الفعل قبل المناصب والختوم،،،
حن شيوخ اليوم معنا تظيع ختومها،،،
حن جنابينا تِسلط علئ الخشم العروم،،،
حن بحور العز نسبح بها ونعومها،،،
حن عزاوينا لها وقع من فوق الخشوم،،،
حن ركايبنا حمتها رموز وسومها،،،
والفخر يرجع ليام وقبايلها عموم،،،
عزنا من عزها والفخر فسلومها،،،
والختام الحمدلله جلاي الهموم،،،
لا نصوه الخلق يجلي جميع اهمومها،،،
"""""""""""""""""""""""""""""""""
هذي القصيدة لشاعر شخص بن حسن ال قريع رد على الشاعر علي بن مانع بن حنش ال عامر بعد مدحه لقبيلة ال قريع في مقبالهم على قبيلة الصقور في قصيدته الموجهه لهادي بن منصر آل قريع ،، وما نرد الا وفاء للشاعر علي ال عامر صح لسانه ،،
مرحبا واعداد ماهلت مزون الغيوم ،،
بالرجال اللي المراجل لها وترومها ،،
آل عامر محزم الجنب في اليوم الزحوم ،،
لابتن ماتذخر سيوفها وسهومها ،،
لابة ابراهيم عاد المعارك والخصوم ،،
العقيد اللي معاديه ذاق سمومها ،،
خصمهم مايهتني الزاد ومايهناه نوم ،،
عين من عادى ال عامر تحرم نومها ،،
مؤمن بالله ولاهاب غير الله قوم ،،
يوم غيره في المعارك تعدد قومها ،،
يدري ان العز عنده وبه عزه يقوم ،،
ومن جلى من رحمته مايرد علومها ،،
شيّخه فعله قبل شيخَة شيوخ الختوم ،،
يشهد التاريخ له والصحف ورقومها ،،
جرّع عداه المنايا ولفحات السموم ،،
ثم بنا عزن تعدى السماء ونجومها ،،
لابتي لسلوم تفخر بمثله يالقروم ،،
يرتفع به صيت ربعي وكل قرومها ،،
جعل عودن يبني الذكر ويرد العلوم ،،
يدخل الجنة وينعم بظِل غيومها ،،
قلتها والراس شايش وهاجوسه يحوم ،،
من بيوت الشاعر اللي قريت رسومها ،،
أنتهضت ارحّب .. ارحب عسى عزك يدوم ،،
والمعاني تنفجر بعد شق هدومها ،،
ورحبوا بك لابتي بعد ترحيبي عموم ،،
حسب عادات القبايل وحسب سلومها ،،
ماعليكم زود ياوجه عيسى يالعزوم ،،
وماجهلنا لابتك عند ذكر عزومها ،،
إبن مانع حُر والُحر للعليا يروم ،،
اسال اللي يزهمه عند جور همومها ،،
جعل يفداه الردي والهلايم والرخوم ،،
وتركز البيضاء لكم فوق عالي رجومها ،،
اشهد انه يجبر الحرف في الكلمه يعوم ،،
رتب ابيات القصيدة ونظم عومها ،،
الله اللي جمّل القوم في سد اللزوم ،،
ولابتن تنخاه تفلح بسد لزومها ،،
القريعي نظم القاف والقاف مختوم ،،
صوب ابو مانع معانيه سقت نظومها ،،
ونحمد الله ربنا عد من صلى ويصوم ،،
من قلوب خاشعة في الصلاة وصومها ،،
"" قبيلة آل قريع ""