[الحر الأشقر]

هذه المحاوره جرت بين الشاعر/ سليمان بن مسفربن بلال.
والشاعر/ رشيـــــــد الزلامـــــــــي.

...أُعجبت بها واحببت أن أنقلها لكم وأعتقد لها بقيه...

=حيث قال ((سليمان))=
ياسلام الله سلام للمطاليق ابتدي به=بعد ماجينا وجيتو يارفيعين المقامي
ليسريت الليل غير الجدي ماني بقتدي به=أسمحولي ياحضور أن كان ناديت الزلامي
=رشيــــــــــــــــد=
مرحبا والطيبه ماهي على الطيب غريبه=ماعلينا ألا نرحب بعد رديت السلامي
القريب الله يشيله والبعيد الله يجيبه=من يقول أن النصيب يجيب من نجران يامي
=سليمـــــــــان=
ماعليكم زود وانتم من قديم ياعتيبه=تكسبون الطيب والمعنى على فرخ السنامي
الهقاوي ياوسيع المعرفه ماهي قريبه=ودي أنبهك واليامي يشد به الحزامي
=رشيـــــــــــــد=
قالها اليامي عسا ربي على قوله يثيبه= مير لابرقت فيها لا حلال ولا حرامي
كل دار يارفيقي عارف خبثه وطيبه=والبلاء والشر فالواد هذاك أبو الحمامي

وهذا رابط المحاوره صوتيه أضغط هنـــــــــــــــــــــــــــا