[مطلق اليامي]

سلام مني ياسلامي والتحيه بحترام
سلام مني مسك عنبرزادها مسك ودلال
سلام مني مثل نور لا حضر يجلا الغمام
سلام من راسي لعجمان الوفى معنا المحال
جاني تراء الداعي ولبيته و أنا يامي ويام
تسقي وجيه القوم مر مر ومرار زلال
أنا أتنومس وأفتخر في نسل جدي والكرام
وفي عجمت الواد الوحيل اللي يهزون الجبال
هم جند جدي خنز ربع شوفهم يجلا الضلام
في واجب الضيفان والعدوان ترخص كل غال
ترهي العشاء لذيب هو والطير يوم الطير حام
الشاهد الله ثم عباد الله لذربين الفعال
أهل الحلول المجديه لا حضر ند وخصام
مقادم الجمع القوي اللي يفكون التوال
والعلم مايخفا علي المجنون واللي في المنام
واللي يحل الكايد لا عقدو روس الحبال
والعرف ابن عم الضفر والشعر ابن عم الكلام
وفعالنا تاريخ يكتب بالرماح وبالسلال
نكبر ليا كبرت مصايبنا الكبيرات العظام
وإليا غزينا نطحن البارود بظهور الجمال
حنا رحى همهم علي وضح النقا يوم الزحام
دوله وحررنا دول ودول خذيناها إحتلال
وحنا هل الجابه بوقت النايبه نحضر شمام
نزيد عين بالعجب ونخل عين بالخلال
الصدق نور يامميزت الحلال من الحرام
ومسيلمه كذاب مايفرق حرام من حلال
وسلام لقصى يام ودنى يام ثم صبيان يام
من شرقنا والغرب ولا من جنوب أو من شمال