[ابن وعيل]

من ناحية صعبة فهي صعبة بجد @@@@ وان جت على حلوه فهي اخر حلاوه

فعلا طويله بس ما هي بهالقد @@@@ طول الاف باول حروف الغـلاوه

جمرة حشا مقصوصة مجدل اتعد @@@@ شقراء على كم خصلـة كستنـاوه

اليا اقبلت لي بعضها في بعضها اشتد @@@@ بينه وله لهفه وغيره وعـداوه

وان جت تلفت طاح ضد على ضد @@@@ الين يغشى الليل صبـح النقـاوه

فلجا ثغر.. عنجا حور.. مهملة قد @@@@ في عودها اقسى لين والين قسـاوه

عكفا هدب.. زينة عتب.. زاهبة رد @@@@ فيها الهدايه والهـدى والهـداوه

لاسولفت سمى على انفاسها الند @@@@ وكفوفهـا تمسـي النـدى بالنـداوه

فيها غنج ساذج على ملعنة جد @@@@ علـى شويـة شيطنـة مـع شقـاوه

من حدة الفتنه خذت فتنة الحد @@@@ تطوي فضـا الفتنـه بفتـن الفضـاوه

تستغفل الغفلـة تـودد ولا تـود @@@@ تستطيـب الطيبـه لحـد الغبـاوه

تسرق تفاصيل الصدى لاخر الصد @@@@ وتماطل ايام الرخا.. بالرخـاوه

مدت لوصلي يد واقصتني بيد @@@@ لا ذقت وصـل ولا شعـرت بجفـاوه

راودتها ردت.. ترود.. وترتـد @@@@ تريـد.. تتـردد.. تـردد.. رداوه

ولني ما احب اصلا اثقل على حد @@@@ خذت القصير من الحفا والحفـاوه

حلوه وتتغلى ولا جات للجد @@@@ عـادي تغلى من لها هالحـلاوه



علي السبعان