الله يعطيش العافية
لاهنتي
بالنسبة لي طفولتي كانت دلع
لاني اول حفيدة بالعيلة
ومازلت للآن البنت الوحيدة
مااحس اني عشت طفولتي عدل
لاني كنت مع الكبار على طول
بس اذكر اني مرة شفت امي تحط الطماط بالخلاط
وقعدت افكر شلون صار الطماط مثل الماي
وطبعا دخلت اصبعي بالخلاط
وصارت حالة استنفار امني بالبيت
وبعدها حلفت جدتي ان ماعاد نستخدم الخلاط
واذكر بعد كانو عمامي وخوالي يجيبون لي كل مرة ككاوات وحلاو
وامي تخشهم فوق الكبت
وكنت ابطل باب الكبت واصعد ع الرفوف عشان اخذهم
الا وتطيح علي كل الاغراض
واذكر يوم كان عمري 5 سنين
بعرس عمي كنت اركض بالصالة الين تعبت ونمت
وطبعا كانوا حاطين لي كحلة وشدو وحمرة سحرية وبلشر وردي
<<قلبت الدنيا عليهم ذاك اليوم عشان يحطون لي
اما عاد يوم دخلت المدرسة
المدرسة كانت مملكتي الخاصة
كنت اقول حق الابلات يا هبلات واجعمهم
وكل يوم استدعاء ولي امر
وكنت اجيب جدي
وجدي كان يمصخرهم ومايرضى علي
هم الخطا وانا الصح
باختصار طفولتي كانت سخيفة