[قمة طويق]

السلام عليكم ورحمة الله وبركاته اسعد الله صباحكم / مسائكم بكل خير ... من الجميل أن نستعيد معكم ذكريات الطفولة الجميلة مرحلة العمر التي لاتعود بكل مافيها من شقاوة ولعب ومرح وايضا بعض التلطيش الي كان يجينا من هنا ومن هناك.. وهذه الصفحة تكون مختصة بذكريات الطفولة كل من لديه موقف او مواقف فعليه سردها هنا مع التحفظ على المواقف الغير لائقة فلا يمنع ان نستعيد اياما مضت وما عليكم سوى ,,, ان تسدح طفولتك / طفولتس .,, البرئـيـــــــــــــــــــــــــــــــــــــــــه. ... سأسدح طفولتي ,,, كنت بنت وحده بين 5 من العيال عيال عماني وبما اننا كنا ساكنين كلنا مع بعض ... طبعاً طفشت من الجلسة قلت لازم العب معهم شوي شووي ... حسيت انهم عايشين عالم غريب ... بس بصراحة حلووو يعني انا كنت مدلعه واذا احد اخذ لعبتي صحت وفقيت الخشه ... بس بعدين ... صاروا اهلي يدوروني يلقوووني وووين ... فوق الجدار لانه هوايتي صارت ... وبالفعل كل عصرية وووينا فيه نتسلق الجدارن ... وامي ماااسكه راسها فديتها ... صرت اعرف وشلون اتطاق وافزع لواحد من عيال عمي لانه مسكين دايماً يندبج من اخوووه الكبير حسيت اني بطله من جد ... عاد في عيد الضحيه .. صرت ... اشيل راس الخروووف وملحقاته ... عادي ...واووول اصيح واتخرع ... صرت نفس الطبايع ...ياسبحان الله كنا اذا رحنا المزرعه كان فيه سواقي حقت المووويه ... كنا نجمع الحلزووون اللي فيها ... ومانبقي ولاشئ والرمان كان نأخذه ونفقشه ابيض مااانكله نعطيه البقر والغنم وانتم بكرامة .. احمر ناكله ... طبعاً لازم نفس عن البقر والغنم شلوووون نفتح شبوووكهم ...ونخليهم يدكون الزرع دك على بالهم بسويسرا وحنا على بالنا نسوي اعلان .. بووك ... بس ناقص ذيك الوردة .... اما عاد البل ماكنت اجي صوووبها الا النآقه غزلا فديتها كنت انا ويها رفئة .... وكانت عندنا زوجة حارس المزرعه تبيع علينا من بسطتها والله انها كانت تسوى عندنا (( سيفوي)) ... كانت تبيع علينا اكياس فيمتووو مثلجه وربي طعمه للحين في راسي ...يطنخ طنخ ... وحلاو ابوووعيووون ... وفش فاش ... كان في المزرعه ذرررة ومافيه الا نأخذ الذرررة ونخلي العامل يشغل لنا نار غصب عنه موووب كيفه ... عسى الله يحللنا منه ... ونشووويها ... كانت هوايتي ملاحق قطاووووة حارتنا الله يسامح من علمني هالشغله ,, وكنت مميزة فيها ... واليووم اللي تموت قطوووة فيها اما دهساً اوو ماالى ذلك ... كنا نصلي عليها ... كل ماتذكر احس اننا شعب يتمتع بالفهاوووة ... كانت امي حارمتني من شرب المشروبات الغازيه ... وكان ولد عمي يجيبه ويبعه علينا ب5 ريال حسبي الله على بليسه ... وانا اقعد فووق راسها ازن ابي خمسه ابي خمسه ... وهي تعئي وجدي يفزع الله يرحمه خوووذي الخمسه اسبوووع استمتع بلذة المشروب الغازي ... واخرتها مجلس تأديبي .. من امي .. مرة عمي توووها متزووجة عمي ... كنت حزتها ... باالروووضه ... ولكن مااقدرت اقاااوووم خصوصاً حزتها كان ممنوع ندخل اي غرفه سواء غرفة امي ابوي اووو لعماني مااالي الا غرفتنا بس والصاله والباقي نسرح ونمرح فيه الا ذاك اليوووم الغرفه مفتوووحه ... وماافيها احد اطالع .. ماااقدرت اقاوووم على الطاولة مناكيررر روووج شدووو كل شئ ... الا مااابقى شي ماحسته حسيت لي اول مرة اني مشفوووحة ماااقد شفت نعمه وقعدت العب على راحتي وبقمة سعادتي مرة الساعه وان مادري عن نفسي افتح الثلاجه واكل شووكلاته واكمل مكياجي اللي يخرع ...واعيش احلامي ... واحط مناكييير والبس الكعب العالي ... الا دخوووول مباغت ... لقيناها لقيناها .... طبعاً الغرفه حزتها كانت قوس قزح من الالوان الرائعه وووجهي كان الهم سكنهم مساكنهم كنت اقووول حلوووو ...صح .. عمي فديته قال يابعد عمري ياااحبيلها فاقدتني البنت ادووور علي ... مرة عمي حسيت انها ووودها ماتبقي اجدار ماتصكني فيه وانا للحين اقولها حلليني ... ترى والله الدعوى مزووووح تقول الله واكبررر محللتك ... بس بصراحة ماتنلام ... وبعدها احبستني امي 4 ايااااام على ذمة التحقيق ... وانا اقول التووبه والله ماتعووودها خليني اعووود الى حياتي ولكن لاحياة لمن تنادي .... ومواااااااقف واجد بس مابغى اسندر رووسكم .... وابد بعدها كبرت وعقلت ... وصرت مرتن سنعه ... نتقبل انتقادكم .. وبووحكم بصدراً رحب .... اختكم / قمة طويق ... باآنتظاركم ............