[مسفر مبارك]

|؛¤ّ,¸¸,ّ¤؛|تنشد عن الحال |؛¤ّ,¸¸,ّ¤؛|
:
تنـشـد عـن الحـال حـالي كـيـف مـاشـفـتـه *** وانا احسب انك قبل ذا الوقت تدري به
في خاطري لك كلام مير ماقلته *** اجنبك مايحسك لو حياتي به
هــــم جـديـد عـلـى الاول تحـمـلـتـه *** عنك اتحمل كبير الهم وامشي به
رحـت اتـمـثـل بـطـبـع لـك تتعـلمته *** لا صار لك غالي لياك تشقى به



:


|؛¤ّ,¸¸,ّ¤؛|حبيباتي اساهرن لحالي |؛¤ّ,¸¸,ّ¤؛|
:

احب الليـالي ونجوم الليـالـي *** حبيباتي اساهرهن لحالي
لقيت بصحبة النجمـات سـلوى *** عقب مافارق الخفاق غالي
الا يـاســاريــات اللـيــل سـيـري *** على واديه مع مسرى خيالي
تـجـلي في سـمـا خـل الـمـودة *** وقولي للحبيب وش جرالي
هـنــيـك يـانـجـوم تــنـاظـريـنــه *** وانا مالي على النظره مجالي
صـبرت ولـو كل حـي تـصبر *** الى مالت ليالي العمر مالي
ولـكـني ولـو شـابت عـيوني *** احب الليل ونجوم الليالي

:

|؛¤ّ,¸¸,ّ¤؛|ليالي نجد|؛¤ّ,¸¸,ّ¤؛|
:

ليالى نجد مامثلك ليالي *** غلاك اول وزاد الحب غالي
ليالي نجد للمحبوب طيبي *** امانه نور عينى ياليالي
حبيبي لى ذكرت انه حبيبي ***دريت انى حظيظ وزان بالي
على شانه تهاونت المصايب ***اذوق المر لاجل رضاه حالي
والى من الزمان اشتد حره *** لقيت بقرب مظنوني ظلالي
عفا الله عنه مما جاني اول *** غسل حبه جميع الهم تالي