الا ياليل وصللي اعلومي
عطه تفصيل عن كامل علومي
ابيك لخلي مرسولٍ ابسري
تنبيه ابحالتي عله رحومي
قله تراه على ودك وباقي
مدام الشمس تطلع كل يومي
قله تراه على ودك وباقي
مدام في الجو خفاقٍ يحومي
قله تراه على ودك وباقي
مدامه حي يرعى للنجومي
قله تراه على ودك وباقي
ألين من مات من قبره ايقومي
قله تراه على ودك وباقي
مدام الموت ماجانا يسومي
وقل تراه ملك قلبي وعيا
على دفع الضرايب والرسومي
ملكني ملكٍ اجباري ابحبه
وقربه ما يجي بحب الخشومي
فضحني ذكره اللي في لساني
وذبحني ريحه اللي في هدومي
ابذكره عند خلق الله بخيالي
وافوع بقولهم لي يامحرومي
انا لاجاني ريحٍ مثل ريحه
صفقة الكف من صفق الهمومي
عزاي ابغيبته ذكر لوجوده
عسى ذكره لنا دايم يدومي
عليه مني سلامٍ كل ليله
ابريح المسك وظرفٍ به اختومي
وفحوى الظرف قلبٍ بالرساله
ينبيه تفصيل عن كامل علومي