بالله ياسامع جميع الطلابي=ياخالق الدنيا على بضعة انواع
تغفر ذنوبي مامضى من شبابي =وما تبقى ذاك له رب سماع
جباك ياحطروم زين الكتابي =ولا أتحير وأنت داري بلسناع
واركب على عرماس والظهر نابي =تعطيك في الجوان سيره ترنداع
ومعها من العيرات مثل الهضابي =ورقابهن تحت المشاعيب هضاع (1)
وفوقهن غلمه رجال(ن) عرابي =ومتعبين الهجن في كل مهياع
ما مثل مايقطع سنود العدابي =ونيت هياف(ن) وللبعد قطاع
واقبل على اللي يمنعون الركابي =أخوانا العجمان ياكل شعشاع
وأرحب على كرماة شحم الثرابي =فوق الصحون اللي كبيرات وساع
اخوانا وأصحابنا والقرابي =يامية(ن) في الهوش قد علمهم شاع
مده على راشد وجمعالطيابي =اهل المعارك خصمهم في تكلواع
ياراشد ابن الذيب ياحيد نابي =ماينطلع للي يبون التجزاع
جانا خبركم في بعيد المرابي =خلف الوديعة في الشرورا ولقلاع
جبهة عدن تمسي عليكم تحابي =وانتو تلقوها بشينات لوجاع
جيش السعودي مثل نعث الترابي =كثير والجبهة كما سيل ينداع
وداخلوا مثل السهوم الذيابي =وفي الوديعه جاك شاري وبياع
ذولا وذولا رسم واحد شبابي =كنهم صقور للملاويح هكاع
وسوو مصلى في الوديعه ونابي =وكل ذولا فيه سجد وركاع
والطير شابع والقشه والغرابي =والضبع شبعت من جليلين لظلاع
هذا غدا منهم وهذا مصابي =واللي سلم جانا ولاهو بمرتاع
وغنن لهم يازاهيات الثيابي =يامزينات أعمارهن بالتمرياع
ماقلت فيكم ياطوال الشنابي=تستاهلون المدح من طيب لوقاع
انتو شمال وعزنا والحجابي =وانتو سندنا عند قلاب لنواع
ماتفعل السله بغير النصابي =والسيل مايسقي فلا ماله فراع
والرجل مايحرب ولاله صحابي =والحصن مايبنى فلا ماله ارباع
سلامكم مني ومن في جنابي =رجال بلحارث عما كل طماع
والله يفتح للعرب كل بابي=وبذكر محمد كل مالصبح قد شاع
مرررحبا و مسهلااا بالأخ العزيز ابن عويضه ,, و انعم و اكرم بالشاعر و بقبيلته ,,
و صح لسانه مدد بلا عدد الله يرحمه ,,
و عندي ملاحظة على البيت (1)
نهاية البيت كانت : هضاع ...!!!
و انا اتوقع انها : خُضّاع << بضم الخاء و تشديد الضاد ,, و الله اعلم ,,
و مرحبا بك و مسهلااا في مجالس العجمان و نتشرف باللي مثلك و شرواك ,,
اخوووك ,,