اكتفي برد الشاعر المبدع: فهيد بن عصيدان
يالله دْخيلك من غثـا بقعـا ومـن كثـر الصّـدوف=وثبّت رجيلي في وقوفي كـان ماأحتلـت الوقـوف
والشاعـر اللّـي مايجـمّـل داره وربـعـه فــلا=يستاهل إيمثّـل , ولاهـو كفْـو تصفيـق الكفـوف
وإنكـان منطوقـه بـذي ولايعـرف إيحكّـمـه .؟=إيعقّب الفنجـال قبْـل إيعقّـب لْسـان الخـروف .!
وأنا على وضـح النقـا لاقلـت طلـت ولاقصـرت=مانيب أهدّفها كـذا وأضيـع مـن بيـن الصّفـوف
واللّـي يحسبنّـه يمشّيهـا عليـنـا .؟ مامـشـت=يبغي يطوّفها , وهي فـي خاطـري عيّـت تطـوف
إيسـبّ دارٍ لوهجاهـا كـنّـه إيـزيـد المـديـح=لان الهجا من نقص .؟ زود بحسبة العقْل العروف .!
يمـدح فأبوعـدّاي جعلـه يلحقـه حـدر الـثـرى=خـذاه غيّـه بالقصيـد وخمّـه السيـل الجـروف
حتّيـش لوسـبّ ومـدح ماطـال شـيّ إلاّ قصـر=دار ( إخو مريم ) فالرّفاعه عن مدى هذْر الضعوف
ومـن دونهـا شعّارهـا تاقـف وقـوفٍ مُعْتـبـر=ندوي دويّ الراعد , ونمطـر مثـل وبْـل القنـوف
صحيـح ربعـه مـن مطانيـخ المراجـل والكـرم=قبايـلٍ لوتنذكـر فإلهـم بطيـب الـذّكـرْ نــوف
من قبْـل لاذلحيـن سمعتهـم تشـاع مْـع العـرب=إمّا مكبّـرت الصّحـن , وإلاّ مخضّبـت السّيـوف
لكـن ماتشفـع لـه لانّـه دون هـقـوة لابـتـه=ويجحد ويكذب والخبر واضـح وبيّـن وإمعـروف
ليته تعذّر , كـان قلنـا : مخطـي وسـاق العـذر=لكنْـه كـذّب نفسـه ونافـق وخلـق الله تشـوف
والرّجْـل لاقـال إحتـمـى قـولـه ولاردّه مــرد=ولايكـذّب نفسـه ويدْخلـه عـن ماقـال خــوف
وإبن عصيـدان إن ظهـر وجهـه فلاعـاد إتّقـى=أقولها واثق ووجهـي طلْـق فـي كـلّ الظـروف
أقولهـا عـن كـلّ رجّــالٍ رزيــنٍ فالكـويـت=ماقلتهـا طامـع بنشْـر المختلـف وإلاّ قطـوف .!