[fot1]ملحوووظه [/fot1]
الموضوع حريمي مليون بالميه
يعني يالشباب مالكم اي مصلحه فيه
بس يالملاقيف حياكم الله
ويالله حي البنات كلهن واولكم يوران
خصيت يوران يوم انها عطاله وباقي البنات يدرسن الله يوفقهن بس مايمنع انهم يطبقون كلامي في العطل والاجازات
الكلام مشمول عجمية الرس وشيخة الغيد وراعية الذود اللي غاطه وغرور كنها اياها ولاتهون اغراب ومحبوبة اليامي
واعذروني ان كان نسيت احد << تحسب انها تهدي عالاف ام :D
المهم نجي للجد من مميزات البنت الجيده وام قلب صاحي انها تكون طباخه << تراها من عندي يعني لاتصدقون
فحبيت اني انقل لكم تجربه نادره والسبب في ندرتها انها ناجحه :D
لاني دايم ادخل المطبخ واعفسه فوق تحت وبالاخير اما احترق اللي طبخته ولا طلع الله يديم النعمه وصار عشا للقطاوه حتى الخدم مايتنازلون ياكلونه الله يديم النعمه << ادري اغلب اللي داخلات بتقولن حتى انا
لكن قبل فتره قريت في احد المنتديات عن عجينة العشر دقايق
والله واقرى عنها وشلون يمدحونها وطيرونا بالعجه معها قلت خلني اجربها كود تنفع خصوصا اني احب الفطاير و لاجا شغل بيت بعد ياسلاااااااااام
المهم اني طبقتها قبل رمضان اول مره
واستانست ولاصدقت عمري حتى امي وخواتي مومصدقين وانا من زود الفرحه واشوفها مصفوفه بصحن التقديم ماودي احد ياكلها ابيها كذا منظر << مصخروني خواتي هنا هههههههههههههه :D
المهم صحيح كرفوني فيها برمضان كل يومين جاتني امي تقول سويها بس في كل مره ماشاءالله تضبط ماعمرها خربت
امس سويتها قلت ليه مااصورها نفس هالمنتديات واعلم واكسب بنات منتداي اجر واقول لهن عن تجربتي بالمطبخ
عقب هالمقدمه الطويله خلونا نبدي يالله
بــســـم الـلـه نـبـدي
المقادير:
كاسين طحين "" انا استخدمت طحين المطاحن الكويتيه"
كاسين ماي
فنجال سكر
ملعقتين كبار خميره فوريه
3 ملاعق كبار حليب بودره
تعجنين المقادير اللي فوق مع بعض بتجي العجينه سايله ماعليه وخليها عشر دقايق
روحي بهالوقت جيبي لش راديو ولا مسجل شي يونسش لانش مطوله ياعيوني
عقب عشر دقايق تزيدين على العجينه اللي فوق التالي
3 كاسات طحين
ونص كاس زيت ذره
وهنا ملاحظه للنعومات استعيني بإخيش في العجن لان الدعوه يبيلها عضلات شوي وبتتعبين اما بنات منتداي مايحتاج فيكن الخير والبركه :D
المهم لاخلصتي عجن بيصير شكل العجينه كذا
تبدين عزيزتي العضوه تاخطين شوي من العجينه وتفردينها بعدين تقصين الزوايد وتخلين اطرافها متساويه بالشكل هذا
احشيها باللي تبين وانا صراحه احب الزعتر لان طعمها هنا روعه والشكل اروع بعد طبعا تمسحين العجينه المفروده بزيت زيتون وعقب ترشين الزعتر وكل ماكثرتي تراه احسن
لفيها على شكل الرول بعدين جيبي خيط عاد اقطعي من طرف الثوب من الزوليه دبري حالش وحطي الخيط تحت الرول بعدين جيبيه بشكل متخالف
شوفي الصووره تحت وبتفهمين وش اشرح انا
وبيطلع شكلها كذا وترى هالطريقه احسن من السكين لانش لوتقصين بسكين بتطلع الحشوه اللي داخل وبيتفكك الرول وتتوهقين
حشوه ثانيه هذي لذييييييييييذه بس لاتسألوني وش هي خدامتنا سوتها << ابكيش
اسألو خدامتكم اكيد انها تعرف كلهن من ديره وحده < احلفي
بس هذي لاتسوونها نفس الزعتر صغار ومدوره خلوها طواليه احسن
بعدين صفيها في بايركس بعد ماتمسحينه بالدهن وصفيها بعيد عن بعض لاتخلينها لازقه حيل لانها بتنتفخ
وشبي الفرن من تحت اول شي بعدين لما يستوي شبي عليه من فوق
ولماتشوفينها تحمرت طلعيها وصفيها بصينيه
تعليق عالكلام اللي فوق كله
_تدرون كم صينيه هالعجينه تسوي
انا سويت 6 صواني بايركس يعني تعطين للديوانيه واهل البيت وتوزعين على بيتين من قصراكم وتكفي وقولي دفعة بلى عني وعن امي وابي واخواني وخواتي وملكعه :D
_خلي امش تتصل عليهم وتقول ترى بنتي فلانه مسويه فطاير قلنا نرسل لكم منها << العجوز تسوي دعايه لبنتها عند العرب
_روحي انتي اكشخي على خواتش وقولي سويت اللي عجزتو انتو تسوونه واذا خواتش راعيات صلخ ونفخ اكلي فطايرش وانتي ساكته ابرك
_ترى لااحد يبرق بالصحون شسوي في امي تشتري الصحون الكشخه وتخشها حتى بالمناسبات ماتطلعها ليه مدري
_التصوير ترى ابلشني الخدامات بس يشوفني بصور يترززن يبني اخذ لهن لقطه < ياحبهن للتصوير
[fot1] وبالهنا والشفا لبى قلوبكم[/fot1]