آنا صراحه كل مرحله مريت فيها كانت مميزه من الروضه للثانوي .. بقولكم بعض مغامرتنا .. آول مرحله الروضه كـان اخوي يدرس معاي صف اول وانا ثاني وطبعا انا يعني خبره بالروضه ومتعوده على جوها فاوصله صفه تالي اروح صفي يوم جا ذاك اليوم الا هو يبكي قلت شفيك قال عبدالعزيز طقني << ماسجت من اسمه والله وتروح بنت الشايب لعبدالعزيز المسكين وتضربه ثاني يوم الا هو جايب امه انا بس شفتها بكيت << راح الجيد ثاني مرحله الابتدائي .. كانت عاديه لاني كنت حيل هاديه ومؤدبه بشهاده من الجميع ومالي صديقات واجد ماغير خويتي اللي للحين مانسيتها اسمها مطره ( الله يذكرها بالخير ) << ذاكره ميه ع ميه .. مشاءالله .. ثالث شي المتوسطه .. ومادراك مالمتوسطه ؟ هنا عاد بدأت تطلع مواهب شامخه .. ثاني متوسط كنا مسوين لنا شله مسمينها شله الفواكه << بلفيت نعومات .. وماخلينا آحد بحاله كل يوم هوشه << عصابه .. اخير مرحله الثانويه .. شي ثاني كبرنا وعقلنا والدليل غيرنا مسمى الشله صار اسمها شله ( الدجـه ) كنا شطار ومؤدبات مالنا بالمشاكل بس لاجات الفرصه شوفوا الاهبال على اصوله مره قعدنا نلعب بالماي ونرشش بعض شوي الا ابله كيمياء جايتنا << قسم قريب منا البنات اول ماشافوها تطشروا ماصادت الا ثنتين وودتهم الاداره وهي تمشي ماشافت الا البنات الباقين كلهم جايين << فزعه .. قمنا نترجاها والحمدلله اطلقت صراحنا .. ومره خلونا نخم الساحه << الله لايعديها ههههههههههه ليش ؟ كان عندنا اجتماع اولياء الامور يعني الفرصه ساعه كامله وجايبين قهوه وحلا ووحب << ساس البلا المهم ناكل من هالحب ونجمع القشار بالنص عشان نسوي اهرام << والله من الفراغه المهم يوم خلصنا وطق الجرس قمنا انشوت هالقشار الا هو تارس الساحه من اللي شافنا ؟ ابله علم النفس عجوز ماعندها يمه ارحميني ومن قرادت حظي ماعرفت الا انا << لانها ادرسني قالت يالله روحي القسم وجيبي مقحافه وقالت للخدامه تجيب 3 مخمات وقالت للبنات خموا.. يابله عندنا حصه بنروح .. لا ماعليكم بعطيكم اوراق دخول الفصل بس خموا << مافيه فكه المهم انا يابلفيت رحت اجيب المقحاف الا اطق لي فرتين على المدرسه وارجع قلت لها مالقيت الا البنات ماقصروا خموا وخلصوا لبا عينهم .. بس احلى مررره اللي كانت مميزه ثاني متوسط << بدايه تكوين الشله اللي ولله الحمد للحين متواصلين مع بعض .. نسيت اقولكم اذا عجبتكم مغامرتنا ترا عاد عندي منها واجد علموني واقولكم << تحب تسولف عن ايام الدراسه ..