عرض مشاركة واحدة
  #1  
قديم 16-03-2008, 09:32 PM
الصورة الرمزية سمو^المشاعر
سمو^المشاعر سمو^المشاعر غير متصل
 
تاريخ التسجيل: Feb 2008
المشاركات: 2,138
معدل تقييم المستوى: 19
سمو^المشاعر is on a distinguished road
Question صحيح ماترجع أبد ؟؟

ألا ياليل اللي تخاويني

أبيك تسمع

ولا تشكي أبد

مافيني حيل أسمع !!

ألا ياليل لي رحيل

راحلن عني

ماعاد يرجع

ألا يا ظلمة الليل

اللي تذكرني باليوم الأسود

يومها مات الزهر

يومها ذاب الجليد

يومها جف المداد

يومها الصدر مايتنفس

إلا أنين !!

يومها شاب الطفل وسط المهد

يومها ضاقت علينا البلد

يومها غابت الشمس

فراقك هز كل شي فيني

كل زاوية في البيت تبكي

حتى المدينة

اللي تعطرها بوجودك

بدت تشكي

الجرح بدا ينزف

والصبر بدا ينضب

والدمع جف

أشكي للهم حالي؟؟

ولا يشكي لي؟؟

أسقي الورد ذابل؟؟

ولا يسقيني ؟؟

يابووووي وينك؟؟

صحيح ماترجع أبد ؟؟

فقدك البعيد

قبل القريب

فقدك الطيب يالغالي

أمانه لاتوصيني

أنا باللي تبيه أكون

وتفتخر فيني

أنا بنتك

اللي تربت على طيبك

أنا حكاية لها ماضي

لها عبرة

أنا من بعدك عابر

كما الدمعة

أنا علمني الزمان

وعلمته بعد !!

يابووووي وينك ؟؟

صحيح ماترجع أبد ؟؟

صحيح انك غايب ؟؟

ولكن مانسيتك أبد


يا أغلى من عرفته

وبعرفه بعد

يرحمك ربي ويسكنك جناته ..

 

التوقيع

 

اللهم لك الحمد كما ينبغي لجلال وجهك وعظيم سلطانك ..

 
 
رد مع اقتباس