بسم الله الرحمن الرحيم
السلام عليكم ورحمة الله وبركاته
ياللي تسبّ الطاهـرات العفـيـفـات=اللي عليهن من شرفهن عناوين
تجني على راسك عظيم الجنايات=مكر الثعالب مايضر الشياهين
المـومـنـات الغـافــلات التـقــيّـات=حاميهن اللي حامـيٍ حـوزة الـدين
لقـيت للخـنـساء بنـات وحـفـيـدات=واحفاد ابن سلول عـنهـن بعـيدين
اللي خذن من عايشه علم واثبات=في مدرسة سوده وذات النطاقين
مايتبعن دشّ الفضـاء والمجـلاّت=ولا يقبلـن فتوى الدعاه المضلّـين
ولا هن بحاجة شور ناقد وشمّات=معهن علوم الدين والقاسي يلين
هن عاقـلات وخابرات وفهيمـات=حكم الشريعه غير حكم القوانيـن
وليابـغـن تفـسـير أحـاديث وآيـات=يسـتـفـتن أبن بـاز وابن عـثيمين
واللي يعقّب علم لو مات ما مـات=تبقى علـومـه مثـبـتـه بالـبراهين
[/quote][/QUOTE]