اول كلامي بمسك الطيب و العود = فمحمد سعود نظمت لابيات
ارسلتله قافي على العز و الجود = خوة شرف ماهي خوة طماعات
أقولهــا وأنـت مـا فـيـك منـقـود = يا طيب الصيت و يا طيب الذات
ما هي جديدة عليكم يا بو سعود = بمدحك يا الطيب مره و مرات
أقولها و العلم ياتي به اشهود = والكر يا محمد يبغى جماعات
وانا من العجمان و اطمع ورا الزود = اقولها و الراس بين السحابات
وآخر كلامي بمسك الطيب و العود = فمحمد سعود نظمت لابيات
وسلامتكم
تمنياتي انها تنال اعجابكم واللي عنده ملاحظات ياليت يشرفني برايه او ملاحظته والله الله بالردود
والقصيده للعلم على المسحوب على لحن أغنيه عندي كلام وخاطري لك اقوله