لباااا عتابك علي يا قـُــبلة أجيالي=و لباااا المشارية و لباااا الصوت و الصورة
ما أحلى العتب و أعذبه من غالي إلغالي=دوك الغلا يا مسجل ٍ حبك اسطوره
لا يا بعد كل من يطري على بالي=و اللي نسيناه و اللي ينتظر دوره
و الجيل الأول و هذا الجيل و التالي=لا يا بعد كل من يمشي على الكورة
يمه محلك و قدرك ملبس عقالي=ما أنساك إلين القبر تحسب لي شبوره
وشلون تنسى الطفوله جوفك الحالي=يا بلسم الجرح و روح العمر و زهوره
لا تحسبيني على هذا البطا سالي=مكسور خاطر و صوتك يبري كسوره
كنّ الدقايق مع الغربة تعادا لي=لو هلـّـت العين قلت العين معذوره
مشتاق لك شوق ٍ يملا جوي الخالي=شوق الطفل في لقا امه و أجمل شعوره
يمه لو أقول ما تكفيني أقوالي=سعادتي يوم أجي و ألقاك مسروره
عبداللـــــــــــــــــــــــــــــــــــــه ما اقدر اقول الا صح الله السانك مليار وقصيده جزلها في من تستحقها بكل مقاييس الله يرد كل لهله سالم وتقر عيون الامهات ... ومهما قيل لا نوفي الام حقها
وفعلا لا اجمل من رويتها مسروره