هلا يامرحبا باللي حظر فـي منتـدى العجمـان
تراحيـب المطـر لاهـل ودانـن مـن سحابـه
هلا يامرحبا ترحيب مـن قلبـي نطقـه لسـان
نظمته في قصيـده ثـم جـاء فكـري وغنٌابـه
بإسم الاعضاء وريسهم ترا سلطان بـن سلمـان
وهو ريسهـم الفخـري . ويفخـر منتدانـا بـه
وسلام الله على يام وعـوال وعيـل والعجمـان
سـلام مايخجـل مـن تكلـم بــه وحيـابـه
سلام فيه ريح الخزم والوسمي علـى الصمـان
بعد عشرين مع عشرين جـات الـذود ترعابـه
سلام يهفـي الهافـي سـلام يدحـر الشيطـان
سلام يجعل الضايـق يحـاول يمسـك اعصابـه
سلام يشرح الخاطر سـلام يرضـي الزعـلان
سـلام يجعـل الرجـال دايـم يكـرم اصحابـه
سلامٍ لذته تسوى شراب المـاء وأنـاء عطشـان
بعـد ماينبنـي بيـت الشعـر ونمسـس أطنابـه
سـلامٍ وافـي قــدره ولا زود ولا نقـصـان
سلامٍ ينصي الطيـب يجـي ياقـف علـى بابـه
وانا ربعي هل السمـراء مدحهـم قبلنـا راكـان
لهم فعلٍ بعرض الصلب حتـى اليـوم يحكابـه
ترا حنا المخيلة جات تمطر من طـرف نجـران
لهم يوم علـى العـدوان شـد الشيـخ بأسبابـه
ولو بذكر فعل ربعي يطول الشرح في الديـوان
ولكـن يكفـي انكـم ياعـوال عجيـم عصابـه
نعم ربعي وبني عمي وحزامي في الزمن لو شان
أهل وقفه..وأهل فزعة.. وأهـل مجـدٍ يمارابـه
وفزعتكم لمنها جات .. كأنها النور لامـن بـان
ماهـي تأتـي تخـفـي عنـدنـا ولا بطـلابـه
ليا من ذكرو العجمان تسمـع طـاري الشجعـان
أقوله صـادق فـي ذمتـي ماقصـدي أرقابـه
وجمعتكم تترجم فعلكـم فـي ماضـي الازمـان
عسـى الله مايفرقكـم ويجعلكـم مـن احبـابـه
وسلام الله على يام وعـوال وعيـل والعجمـان
سـلام مايخجـل مـن تكلـم بــه وحيـابه
الله الله
صح لسااانك يابو محسن
عزالله انها جزلة ومن جزل
ولاهيب غريبة عليك يابو محسن
قريتها أكثر من مرة ولا سمحت
سجل اعجابي