أنا الشاعر ماهر عبد المعين العلياني الهذلي من المملكه العربيه السعوديه مدينة مكة المكرمة
وهذي مشاركتي الأولى في منتداكم الجميل وأتمنى لكم التوفيق .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
ياحر قلبي كل ماجيت جده =تطري على بالي هواجيس وأحلام
كن البحر لاحان ميعاد مده =موجه يناديني يابو فلان قدام
ألاعب أمواجه على اطراف حده =مره بكف اليد ومره بالإبهام
وأحاول أشرح له لمرات عده =وشلون أنا القاضي ومحكوم بعدام
المشكله ضده ولاني بضده =أحترت في طبعه له السوم ولاسام
أنا طلبت الود ولاخذت وده =أشغلت حالي في حسابات وأرقام
أنا البعيد إلي مينشاف سده =بيحت بأسراري على أورق بقلام
شين أصده وشي مقدر أصده =وألوم نفسي والمخاليق لوام
قلبي كريم ولاحصله مرده =عالن فطبعه مثل ما الصقر حوام
سحرن سلبني برمش عينه وخده =متقن لفنه كنه إتقان رسام
في غفلةٍٍ مني سرقني بيده =حاولت أرده ولا يفيد التلازام
بنيت لي حصنن منيع وهده =وسرت الأسير إلي مقيد بإحكام
قفل على قلبي بقيدن وشده =واحتل ماهر وأعلن النصر بأعلام