احبائي اهدي لكم هذه البسيطه للتواصل وارجو ان تحوز على رضاكم
البارحه ياقلـب مالـك مـداوي=واليوم ياقلبـي توفـر علاجـك
علاجك براس الطويلات تـاوي=اليا حصدت امن البلاوي خراجك
واليا لواك امن الصواديف لاوي=لابد ماتلقـا بصبـرك فراجـك
ادخل على الله ياكبير الهقـاوي=لاتامن الطيحه ويسمع خلاجـك
ياقلب انا ياخيك مانيـب قـاوي=دام الزمن خالف مزاجه مزاجك
انا بشر ياقلب وان جيت غـاوي=باقدرك لاجيـت والهـم لاجـك
نصيحتي ياقلب لاصرت هـاوي=علق على راس الطويله سراجك
وسلامتكم
حمود بن فطيس