[عبدالعزيز الحربي]

بنتك ليازوّجتها لاتشترط فوق اللزوم=
خلّ السفاهه للسفيه ان كان في وجهك حيا

والله ماياخذ زياده بالمهر غير الرخوم=
أهل الحقاره والدشاره واللعانه والريا

والاّ رجال المعرفه والطيب وافين السلوم=
يكمّلون الناقصه ويزوّجون الاتقيا

هم عارفين ان المطامع والدراهم ماتدوم=
وان الطماعه ماهي الاّ من سلوم الاغبيا

راع الطماعه يدّعي بالنصر لو كان مهزوم=
مايدري انّه صار هو وابليس بالدرب اخويا