عود ومسك ومجلسن عامر
طيب وعز وفخرن ونوماس
طول شبور ولاشين بقاصر
علومن غنايم تحكي بها الناس
هاذيك صيته صيته الدامر
الي ودعتها امس محتاس
اللع واكبر يا قبرها الطاهر
عز الله خذيتي عصابة الراس
ضاقت صدور وانكسرت خواطر
وراحت الي تقول لنا لا باس
هاذيك صيته صيته الدامر
لو قستها والله ماهيب تنقاس
نورن بالعارض ماعاده بظاهر
شيختن من نسل حر قرناس
الله واكبر يا ذيك المقابر
باتت بها البارحه اعز الاجناس
دموعن تسابق بدو وحواضر
كلن بكاها من حر الاتعاس
وحنا فقدنا ماضي وحاضر
حنا فقدنا مربا ومجلاس
حنا فقدنا صيته الدامر
يالله اجبرنا من الحزن والباس
قصيدة للامير عبدالعزيز بن متعب بن عبدالله بن مساعد