اقتباس:
المشاركة الأصلية كتبت بواسطة sultansaad
البارحة جازت عيوني عن النوم :
يوم اليتاما دنوا الهاشمية
حزنا وانا ماني من الحزن محروم
يبكون وابكي صيتة الدامرية
اي والله ان كلا محزن ومهموم
حزن النفوس لفقد نفس زكية
يبدا العمر في يوم ويروح في يوم
مبداه روح ومنتهاه المنية
صار الجسد مرحوم والصوت مرحوم
الا ان مكارمها علي الارض حية
ام لمحتاج ويتيم ومضيوم
وقلب رحوم وراحة حاتمية
تنفق لوجة الله ومداتها كوم
وذي قرضة حسنه وهذي هديه
كم فرجت كربة فقير ومعدوم
ترجي بها ماعند رب البرية
زوجة جلالة حاكم للفخر توم
خالد ملك ماجادت العرب زية
ماذكر في عهده دريك ومظلوم
عدله وخيرة عم كل الرعية
ماقال ذا حاكم وهذاك محكوم
خوفه من الله حطهم بالسويه
وام الامير الي به المجد ملزوم
لزمة خوي مايفارق خوية
فيصل سندنا لاصبح الامر محسوم
شيخ الجنوب ورمز نجد العذية
يرفع مقام اخشوم وينزل اخشوم
ينهي قضية ويتبني قضية
والضاعنية بنت عالية القوم
ابوها فهد شيخ السطر والحمية
شيخ من العجمان فارس وشغموم
وفي كل مطلاع له الاولية
ومانزهم الا خير قادر ومزهوم
انه يبلغها شفاعة نبية
الشاعر عبدالرحمن بن بديع
|
sultansaad
اشكر تواجدك الكريم هنا
واشكر نقلك القصيدة المميزة للشاعر عبدالرحمن بن بديع
ورحم الله فقيدتنا الغالية واسكنها الفردوس الاعلى .