[راكان اليامي]

السلام عليكم
هذا طال عماركم مهوب شاعرولكنه يكتب الشعر في مواقف تصير له لاغير 00
القصيدة هذي سالفتها ان فيه بنت شيوخ من كبار القوم صار لها مشاكل من طرف عيال عمها بينهم بين يبونها وبنفس الوقت تقدم لها واحد من اللي مايرد لهم أمر (000) طال عمارهم والبنت عايفه عيال العم وعايفه الثاني هذا وهي معروفة بزينها وجمالها00 وله سالفة معها 00 وقامت تشكي وتبكي فقال أبيات عن الموقف يوم حز بخاطره وضعها ويوم قامت تنتخي فيه
وقالت:

(ياليت من عزوته من يام)

فقال الشاعرهذه الابيات

أنتخي ثم أعتزي يابنت الاجــــــواد = الى أدلهم الليل وسرت به وحوش
حنا الى دارت رحى الحرب ننقـــاد = مايردع مانويناه ملوك وجيوش
حنا الشرف والكرامه من زمن عاد = وحنا السهم في مناحر كل مخروش
يـام ٍ كما جـمـر الـغـضى له تـوقــاد = يحرق لهيبه من زبن عالي العروش
لا والـذي ثبت السمـا بلا عـمـــــــاد = ماننثني مادام في العيون رموش
ياللي نثر في صـلاته دمع الزهـــاد = احفظ دموعك ليوم الطعن والهوش
ياما مشينا على دروب الامـجــــــاد = وياما روينا بالدم ديار ٍ عطوش
خـيـولـنـا من فـرحها تمسي سهــــاد = نغزي ونغنم ونشبع كل مهروش
حـريبنـا ميت ٍ او بيـن الاصـفــــــاد= نبيـع ونشري فيه بريال وقروش
لـعـيـون زين الـمـها غض الانهــــاد = مـزيـونـة ٍ خـضـبـت كـفـها بنقوش
يشهد السيف ويشهد رمحي والزناد = ان دم صدري تحت ماطاك مفروش
لطيفـك باـلحـشـا مـلـك ٍ مـالـه انــداد = يبقى بقلبي وان دنت مني النعوش
يـشـهـد الله وخـلـق الله لـي اشـهــــاد = منساك مادامت الدنيا بها طروش
انـفـجـر القـلـب من صدك والـعنـــاد = كـمـا تفجير ابن لادن ابراج بوش
ارحمني يامن كواني بين الاعـضـاد= قلبي تنـوشـه تباريح الهوى نوش
يـاعـل برق ٍ سـرى يـقـفـاه رعـــــاد = يسقي ديارك يا ادعج العين مريوش

ارجو ان تنال على رضاكم