اقتباس: المشاركة الأصلية كتبت بواسطة حـــوران السلام عليكم وعليكم السلام أولا ً أشكر الزعيـمه على الأسـتظافه الرائعه لعضو رائع أو خلني أقول ممتع خالد وشلونك ؟ ابشرك بخير ولا انشد الا عنك ! خالد صارحني فالأجوبه ولاتراني أحب اجيب العيد في اللي احبهم طيب طيب طروحاتك في المنتدى وردودك هنا وهناك ، تعكس لنا شخصية متزنة ، مرنة ، مثقفة ، متداخلة مع الآخرين ، قادرة على التحاور ، تتقبل الرأى الآخر وتناقشه بمنتهى الهدوء وهي صفات قلما تجتمع في عضو واحد ! ما عليك زود .. وصدقني ان هذي نظرتي لك بعد 1_ هل أنت كذلك خـارج النت كذلك ؟ نفس الشي .. ولا لاحظت اي اختلاف 2_ هل تشعر بأي قصور نحو واجبتك وحياتك بأسباب النت؟ كثييييييير كثييييييير !! 3_ مثل ما تعرف في ايجابيات وسلبيات للنت ممكن اعرف وش السلبيات اللي واجهتها شخصيا في النت ؟ السلبيات .. كثيره / منها ان النت يبعدك عن اقرب الناس لك .. ويبعدك عن الاعلام في حال اذا كنت شاعر !! 4_ لو واجهة خالد مشكله داخل المنتدى من هو حكيم المنتدى اللذي سوف يلجأ له ؟ من غير قصور فالحكماء الموجودين هنا وهناك / الا انني لا الجأ الا .. لــ خالد وبس وتعودت اني اعالج جروحي بروحي ! 5_ ما هو أطرف موقف تعرضت له في المنتدى ؟ فيه وحده من العضوات الفاضلات / فهمتني غلط .. من خلال رد من ردودي ، وكان رد عفوي وتلقائي ، ولا دريت الا والرساله الخاصه اقرب منك والظاهر انها كانت زعلانه قبل تشبك .. واتدوّر العذر المهم شرشحتني بكل ادوات الزف !! رديت عليها بشويش وامتصيت غضبها .. ووضحت لها قصدي / وسويت نفسي اني زعلت عليها من كلامها علي وكان قصدي من هالحركه عشان تأسف لي هي .. لاني لو بغيت ارضيها يمكن تكابر وتروح على وجهها وصار اللي ابي .. وصرنا سمن وعسل ان شالله 6_ هل تعتبر الدعابه شي اساسي في عضو المنتديات ؟ الدعابه شي اساسي في شخصية الانسان ككل / ماهي بس في عضو المنتديات .. ولكن على ان تكون هذه الدعابه في حدود المنطق وباسلوب تلقائي .. وبعيده عن التصنّع !! 7_ هل اكتشتفت ان التوقيع هو فعلا ً مراية العضو اللتي تعكس فكرته أو حالته؟ التوقيع مهم .. وفعلاً مثل ما قلت / ولكن لا أؤيد ان يكون الشغل الشاغل للعضو لدرجه انه يشغله عن افكاره ويستحلها كلها !! 8_ الإنسـان عاشق للكمال منذ ولادته والى مماته يسعى على قدم وساق لأن يدرك جوانب النقص بنفسه بصور وأشكال وأولويات متعددة تتباين بين الأفراد.. فمن هذا المنطلق ماهي الأولويات التي رسمها خـالد بحياته ؟ أو ماذا ينقص خـالد ؟ ما ينقصني شي ولله الحمد / كل الظروف اللي توصلني للقمه متاحه لي وبدرجه كبيره واذا فيه نقص .. صدقني اني انا السبب الرئيسي في هالنقص .. ومتعمّده !! 9_ ابرز عيوبك ؟ مزاجيتي المتقلبه / اللي تخليني متقلّب ( يوم انطوائي .. ويوم اجتماعي ) 10_ متى تحس أنك ضعيف ؟ وماهي نقطة ضعفك ؟ نقطة ضعفي اللي مالها حل ( مشاعري .. واحاسيسي ) ولا احس اني ضعيف الا .. لا عطيتها وجه 11_ ماهي أحـــلى إبتسامة واجهتك في حياتك وممن تلقيتها ؟؟ بنت اخوي عمرها 9 شهور مزيوووونه .. بس يسمونها ( الوجه الغضيب ) لانها ما تعطي احد وجه ولا تضحك مع احد / ولا شافتني قامت تسوي حركات وتبتسم لي من بعيد لا بعيد واللي يشوفنا يحسب ان بينا علوم وهي ماهيب احلى ابتسامه .. لكنها من احلى الابتسامات !! 11_ هل الندم دافع حقيقي للنجاح ؟ اذكر لنا تجربه اكيييييد الندم يحقق النجاح / وانا لي تجربه بسيطه ولكن اللي ابي اقوله اني استفدت ! ودفعني انكساري من تلك التجربه .. الى الشموخ !! 12_ عرف لي الكرم بوجهة نظرك ؟ الكرم هو بذل الشي .. من اللا شي !! بمعنى اوضح .. ان الكرم لا يقتصر على المقتدر فقط !! والكرم بوجه عام ( بدون هياط ) له لــذه !! 13_ تذكر أيـام الاختبارات ومادة القواعد ؟ على غرارها بنسوي لك سؤال *احلى وقت اقضيه في يومي عند .. فيصل ( ولدٍ انا خاله ) * ابوووي .. مشكلته انه عصبي ؟؟ * 12 / 5 / 1998 تاريخ لاانساه أبدا والسبب .. حادث مروري !! * عدم المبالاه .. اسوء مافي شخصيتي . * كان ودي أكون .. طيار / ولكن .. عيّت الخيره * اللي في بالي كل يوم احسه .. أقرب لي من روحي . * الراحه النفسيه .. أحلى مافي الكون 14_ هل الايقونات تغني عن كلمات كثيره في قلب خالد ؟ اكيد اكيد اكيد .. وتختصر عليك المسافات 15_ هل تطبق ماتقوله ؟ باذن الله .. واتمنى ان لا اكون ممن / يقولون ما لا يفعلون !! 16_ ما هو الحلم اللي يراودك دائما وتسعى لتحقيقه؟ الاحلام واجد .. وتحقيقها صعب .. لكن ميزتي اني استمتع واستلذ بمواصلة الكفاح مع احلامي على امل ان اجد في آخر النفق نووور ! ومن هذه الاحلام .. حلم مواصلة الدراسات العليا ! 17_ ما هو اصعب موقف مر عليك في حياتك وترك أثرا فيها؟ وفاة رفيق دربي .. واطيب عيال عمي !! ولا زلت اتذكره في كل زاويه من زوايا حياتي ! 18_ موقف احزنك ولازال عالقاً بذاكرتك ؟ على فكره .. انا كنت انتظر منك سؤال مباشر .. لكن السؤال هذا بـ اعتبره السؤال اللي ابيه !! اكثر موقف احزني .. هو اني وضِعت في موقف لا احسد عليه امام شخصيه عزيزه على قلبي واحبها ، وكنت اتمنى اني اقابل هذه الشخصيه مقابله خاصه وفي جلسه مغلقه .. لـ شرح هذا الموقف ! ماهو عشان شي معين .. ولكن ابي ابيّن موقفي .. فقط لا غير 19_ علاقتك مع نفسك هل هي علاقة تبادلية ايجابية ؟ علاقتي مع نفسي .. مثل علاقة مصر وسوريا / ابتسامات فوق الطاوله وضرب الحزام من تحتها !! 20 _ هل خـالد ملتزم بجميع الفروض الدينيه ؟ عسى الله يرحمني برحمته .. والله مهما التزمت / اني اجد نفسي مقصر لكن رحمة الله فوق كل شي والله لا يحرمني ولا يحرم من يقرا !! 21 _ كيف تنظر للمقاومة العراقية ؟ ألم تحدثك نفسك يوما بالجهاد ؟ انظر للجهاد في جميع اقطار الارض عامةً .. والعراق وافغانستان خاصه بـ فخر واعتزاز .. واتشرف بدعمهم معنوياً .. واتطلع لـ دعمهم مادياً ولوجستياً صدقني اني اتمنى اليوم اللي اكون فيه مجاهد / ولا يردني الا كثرة التسويف في الالتزام الديني التام ! اسأل الله العظيم انه يهدينا كلنا الى السراط المستقيم انا ومن يقرا !! وحتى لايتشنج البعض من السؤال فقد ثبت في صحيح مسلم وغيره من حديث أبي هريرة مرفوعا : "من مات ولم يغز ولم يحدث نفسه بغزو مات على شعبة من النفاق " اللي يتشنج من الاسئله هذي .. خله يتشنج لين يقطر دمه مع اذنه 22_الشخص بدون دين ماذا تنظر له ؟ بغض النظر عن دينه ؟ هو والشاه سوى !! 23_ خالد ... ماذا يغضبه ؟ و ماذا يضحكه ؟ اكثر ما يغضبني .. اذا اكتشفت ان احد فاهمني غلط .. ما اداااااااااني !! واكثر ما يضحكني .. خفة الدم التلقائيه اللي محدٍ حسب حسابها 24_ من وجهة نظر خالد .. متى ينحدر ابن آدم عن إنسانيته ؟ عندما يعطّل جميع الوظائف المختصه بالعاطفه .. في جسمه !! 25_ صفة أخلاقـيـة تـؤرق خالد .. ويود التخـلص منها؟ ... ولماذا؟! عدم المبالاه وعدم الاهتمام / لانها تسبب لي حرج كبير مع بعض اصدقائي وزملائي عندك مثلا .. يدق علي واحد جوال وانا نايم .. ما ارد عليه الا عقب ثلاث ايام يمكن ولا رديت عليه ما خلا سبه يعرفها الا ما قالها لي .. وانا ما غير اضحك ولا يسكر جواله الا وهو يضحك !! بس والله انها صفه اخلاقيه سيئه جدا !! 26_ ماذا تعلمت من والدك ...؟!! ... وماذا تعلمت من والدتك ...؟!! تعلمت من والدي الكفاح في سبيل الارتقاء بكل ما يجذب العزه والمجد ! وتعلمت من والدتي .. الشموخ اثناء الانكسار ! 27_ هوايتك التي من المستحيل أن تستغني عنها ؟؟ الشعر / السباحه / كرة القدم ! 28_ برأيك متى يكون الانسان من غير روح أو متى يشعر بالإغتراب !! اذا جا له مكان اول مره يجيه .. واكتشف ان اصحاب هذا المكان كل يوم والثاني .. يحسسونه انه غريب !! 29_ متى تحس أنك ضعيف ؟ جاوبت على السؤال هذا في سؤالك رقم (10) 30_ طيب اذا فتحنا درج سيارة خالد وش راح نلقى فيه؟ دفتر السياره + جواز السفر + عطر !! 31_ خالد من أين تؤكل الكتف؟ من الفم !! خلنا نتكلم عن الشعر ولو القليـل خذ راحتك 32 _ خـالد انت شـاعر محاوره من الطراز الرفيع ,, ليش ماشفنا لك محاورات هنا ؟ هل مستوى الشعراء أقل مما تتوقع ؟ طيب وش دراك اني شاعر محاوره !! اصلا معرفتي بالمحاوره .. معرفة وجه / اعرف وجهها ولكن ما بينا ميانه 33_ شـاعر أو شعراء خدمهم الاعلام وهم لايستحقون .. وشـاعر أو شعراء لم يخدمهم الاعلام ولم نراهم في صفحات المطبوعات أو النت وهم يستاهلون أن يكونوا كذلك ؟ 90 % من الشعار المرتزين على صفحات المجلات ومتسيّدين الساحه / اعرفهم معرفه شخصيه واقولها في وجيهم .. ما يستحقون ما يستحقون ! ولكن العلاقات تسوي المستحيلات .. صدقني اما الشاعر الذي لم يخدمه الاعلام من وجهة نظري هو الشاعر / مستور المالكي !! 34_ اذكر لي أفضل 5 شعراء قريت لهم سبق وان جاوبت على هذا السؤال ( اعتقد على اسئلة مهره ) !! 35_ ليش ماتنشر هنا الا قصايد حصريه ولاتنشرها في أماكن ثانيه ؟ وليش القصايد المنشوره لك في غير هالمنتدى ماتنشرها هنا ؟ لا تعليق ! 36_ خالد تعرض قصيدتك على أحد قبل تنشرها ؟ لا .. من قلبي .. الى فمّي .. الى المنتدى على طووووول 37_ قصيده توك مسويها من موقف لكنها هجوميه وقاسيه هل تنشرها ؟ لا .. والواجب انها تكون من ضمن المحميات !! مع اني ما احب الاسلوب الهجومي و( المباشر والواضح ) فالقصيده ! 38_ تحس البيوت تزاحم في خاطرك ولاطلعت معك القصيده .. تضايق ؟ اكيد بتضايق جدا جدا / بس بيني وبينك ولا تعلم احد .. ما بعد مر علي مثل هالموقف .. والله لا يجيبه وبس خلاص لي رجعه إن ما أعجبتني الاجوبه عطيتك النسخه المخباه حــوران مانيب قايل الا كلمه وحده عقب هالاسئله الرائعه اعجاااااااااااابي !!
