ياوجود اللـي عيونـه ماملاهـا
بالنظر في شوفة عيونـن تحيـر
لمحتـه بمـوت قلبـي مانساهـا
والعوض في شوفة الورع الصغير
فيه منها كثـر ماربـي عطاهـا
من قبول ومـن جمالـن ماتغيـر
الله اللي حط فـي قلبـي غلاهـا
والغلى ماهوب بشيـك وينتجيـر
صدت ولاذت ولادري وش بلاها
يوم لاذت كنهـا الظبـي المذيـر
ودي ان قلبي مع الفرقـى نساهـا
بس سلك الذاكره ماهـوب خيـر
لابغيت انسـى يذكرنـي رجاهـا
ولو رجاها قاطعه وجهـن مغيـر
سامح الله ماتقـدم مـن خطاهـا
دامها صدت عن عيـون المسيـر