اقتباس:
المشاركة الأصلية كتبت بواسطة فهيد الكفيف
|
اشكر الاخت الغروب على هالمقدمه الطيبه اللي يستاهلها ابو عبدالرحمن واكثر
تستاهل الطيب 
ابوعبدالرحمن (( استلم ))
إسلم
ليش ما نشوفك الا في السنه حسنه
هههههههههههههه والله نتشرف يالغالي وابرك الساعات والله اللي نشوفك فيها .. 
ليش ما تتغلى علينا وما تسأل ولا تدق
دير بالك ترى انا علة أكباد وبزعجك 
ليش ما رحت سوق المسكي
راح المطوع اللي انت خابر يبي يصير تاجر 
______\ الاسئله اللي فاتت كذا تسخين ومعذور عن عدم الاجابه عليها /_______
الله يعينك على اسئلتي تراني ثقيل دم بهالسوالف
تحذير : يبيلك اسبوع علشان تجاوب على اسئلتي
الله يستر ،،، بس ما يجي منك إلآ الزين يالغالي 
الاسئله :
1- اهتمامات ابو عبدالرحمن وهواياته
إهتماماتي .. يمكن تكون التاريخ غالباً
وهواياتي .. ركوب الخيل والرسم
بس للأسف مشاغل الدنيا أشغلتني عنها في الآونه الأخيره 
2- لونك المفضل
البني
3- شخصيه في الحياه الحاليه او التاريخ تحب ان تكون مثلها او افضل ؟
الفاروق .. عمر بن الخطاب - رضي الله عنه
4- هل انت راضي عن نفسك ؟
الحمد لله .. راضي .. بس الطموح للأفضل موجود اكيد 
5- أعضاء تستمتع بقراءة مواضيعهم في المنتدى ؟
والله كثيرين ومنهم انت طبعاً .. وعلى سبيل المثال : فيصل المخيال - سمو الرووح - راعية اطيب قلب
6- كم عمرك عسى الله يطول بعمرك على طاعته
مواليد 1979
7- ماهو الاقتراح الذي تتمنى ان يكون في المنتدى ويطبق حاليا
والله بدووون مجامله المنتدى ملكي ولا ينقصه شئ
8- ما هو الشئ الذي يلفت انتباه ابو عبدالرحمن في الشخص لتعجب بشخصيته
يعجبني التواضع بالنسبه للرجال .. والحياء بالنسبه للنساء 
9- حكمة تؤمن بها
من تواضع لله رفعه
10 - هل ملابس ومنظر الشخص الذي أمامك تؤثر فيك لتأخذ عنه انطباع ما
والله أحياناً
11- اذا افترضنا انك اصبحت صاحب اعلى سلطه في الدول العربيه مجتمعه فما هي قراراتك التي ستتخذها
هجووووووم مباغت على إسرائيل 
12- هل لديك رغبة حب التملك والسيطره
على حسب .. !!
فيه امور المشاركه فيها أفضل
13- هل تحس انك شخصيه قياديه ( صف لنا شخصيتك )
قيادي .. بس مو دكتاتوري
شخصيتي .. الله يسامحك يا فهيد سؤالك محرج يعني لو بوصف بصير كني امدح نفسي
بس تقدر تقول >> إجتماعي - وأفضل إتخاذ القرارت المهمه بعد مشاورة اهل الخبره ..
14- اكتب لنا بكلمات مختصره سطر يعبر عن حياتك التي عشتها حتى الان
عصامي - طموح - وكونت صداقات افتخر فيها
15- هل غلبك حزنك يوما
أكيد .. أو راح اكون إنسان مو طبيعي
16- برأيك من أصدق دمعة الرجل أم دمعة المرأه
والله دمعة الرجل أتوقع انها ما تنزل إلآ لسبب كايد ولآ المره تدن الهاشميه على اتفه الأسباب
17- هل تقرأ واذا كنت من محبي القراءه فأي انواع الكتب تحب ان تقرأها
والله عندي مكتبه لا بأس فيها بس أحس ان الإنترنت خذاني من القراءه حيل
اما انواع الكتب .. يمكن تكون التاريخيه غالباً ..
18- هل انت غريق في بحر الاماني ( يعني تتمنى كثير )
والله إذا كنت تقصد إسقاط القروض أكيييييييييييد أتمنى 
19- كلمة توجهها لاخوك فهيد
لبا كبدك 
20- كلمة توجهها لاخوانك واخواتك في المجالس
مامن كاتب إلآ سيفنى = ويبقي الدهر ما كتبت يداه
فلآ تكتب بيدك غير شئٍ = يسرك فالقيامة أن تراه
- بس خلاص اعتقد كافي بس اذا تبي اسئله بعد لا يردك شي دز لي مسج وانا حاضر
ههههههههههههههه كل هذا وما خلصت بعد 
بالعكس .. نتشرف في أسئلتك يالغالي ..
اتمنى لك التوفيق...
أجمعين 