سلامي على شاعر مغاير فصيح لسـان = يغرّد بشعره خـارج السّـرب وحدانـي
جزالة وأصالة لاقت اعجاب واستحسان = قويّ المعانـي واسـع الفكـر مليانـي
رصين العبارة شاعر محنّـك وبطـران = أدوّر قصـيـده وأتـلـذذهْ لاجـانــي
قريته وتابعته بحبّ و شغـفْ وادمـان = أحسّ بقصيـده مثـل دمّـي بشريانـي
يقولون وش علمك بشخصه بلا نكران .؟ = وأنا حدّ علمي فيه (عجمـي سليمانـي)
...
..
ولي مدّه إمن أهل القصيـد الجـزل ضميـان = ولكـن جذبنـي بـارقٍ نـاض وأحيـانـي
سقـت غيمتـه قيفانـي ., وسيلـت قيفـان = وربّــع قصـيـدي وإستهلّـيـت قيفـانـي
طربتْ ., وتهيّضتْ ., وبغني وأنـا طربـان = وأشيّد إبيـوت العـزّ ., وآكوسـر ألحانـي
على صوت شاعر من بني عمّـي العجمـان = بـرد الصـدى لـه يـوم صـوّت ونادانـي
....
إبيوتـه تخدمـه كنّهـا هـدهـد إسليـمـان = وإهـو عندهـا ماكـنّـه إلا سليمـانـي .!
الله الله الله
ياسلامي عليكم يـ طاحوس ال محفوظ , فهيد بن عصيدان ال سليمان
صح الله لسانكم ولاهنتوا مليار و قصائد في قمة الجزاله والروعه
وصـوت وصدى ولأ أجمل وأبداع ومصافحة في قمة الذوق يابن عصيدان
وسلمت يمناك وسلم بوحك ودائما بـ أنتظار تميزك معنا
وتقبل سلامي واشواقي