[عرجاني وافتخر]

السلام عليكم ورحمة الله وبركاته







قصيـــده للشـــاعر : شمّــاخ بن عايض العرجاني



ألـــقاها في إحتفالات مـــزاين قبيلة آل العـــرجاء للإبل
والمقام بالمنطقه الشرقيه
على طريق الـــدمام الـــرياض الســريع
( جنوب محطة جويعد بن حسين رحمه الله )
بتاريخ 25 / شوال / 1427هـ

ياهاجسي لامن ومرتك علـى القـاف=عطني جزيل القـاف واتـرك هزيلـه
خابـرك دايـم للجزيـلات مـيـلاف=لـدروب جـزلات المعانـي دليـلـه
لو كـان مانيـب الزلامـي وصيّـاف=بجيب قيفانـي علـى أعـذب وسيلـه
والشعر سبك وحبك واسلوب وانصاف=من شان منهـو يستمـع لـه صغيلـه
الشعر فيه سمـان وهـزال وضعـاف=وأنا اجتهـد واطمـح لقـول الجزيلـه
وقصيدةٍ ماهيب تبنـى علـى أهـداف=ترجـع علـى مـن قالهـا بالفشيلـه
في الموقف اللي حاسبه خيـر ميقـاف=فـي ليلـةٍ تسـوى ثمانـيـن ليـلـه
سلام يرقى بي علـى كـل مشـراف=تـو الحضـور وتـو جمـع القبيلـه
ياأهل المزايـن حفلكـم زان بإشـراف=بإشـراف منهـم يكسبـون الجميـلـه
كسابة النوماس من عصـر الأسـلاف=متوارثيـن الطيـب وتــزود كيـلـه
منهو جمع ربعـه فـلا لـه تحسـاف=تنصـاه ربعـه بالـوفـاء وتعنيـلـه
ويلقى الشحم والطيب والبن من ضاف=ونفـسٍ خفيفـه مـن رجـالٍ ثقيـلـه
واللي سعى في الحفل من كل الأطراف=الفعـل طيّـب والمـواقـف نبيـلـه
أمجادكـم تنشـر بالأعـلام رفـراف=رفـرف علـم بالمجـد كلـن يخيلـه
وسقنا الكرم والجـود ماهـو تصنـاف=شـئ طبيعـي فالبـيـوت الظليـلـه
ساس الكرم من غير تبذيـر وإسـراف=لابسـط للأيـدي ولاهــي بخيـلـه
للديـن عـرّاف وللمـجـد عــرّاف=ومن يجمـع الثنتيـن نعـم الحصيلـه
مـن بعـد هـذي مانويـت التـزلاف=لسنـد الغـوارب والرقـاب الطويلـه
وسـاعٍ مناحرهـا ثقيـلات الأخفـاف=فنـس الخشـوم وشـاربٍ بتهديـلـه
لو تختلف بألوان وأشكـال واصنـاف=حب البدو للبـل فـلا أحـدن يزيلـه
البل عطايـا الله حسينـات الأوصـاف=الله ذكرهـا يـوم وصــى خليـلـه
وذكرت بأحاديث الصحيحين وإيضـاف=الله جعـل لـه ناقـةٍ لــه مهيـلـه
خيراتها لأهل المدن وأهـل الأريـاف=والمحتلـب يـروى وعبى صميلـه
واللـي جهلهـا وعقروهـا تلـقـاف=مـن يمنعـه مـن ربنـا مـن كفيلـه
جاهم غضب ربي بصيحه وبإعصـاف=يوم النبي صالـح علـى وقـت جيلـه
دمدم ديـار اللـي عقرهـا ولاخـاف=ماخـاف عقبـه مـن عقرهـا بحيلـه
سبحان مكرمها وفـي كـل الأطيـاف=واليـوم نكرمهـا جـوايـز فضيـلـه
لـو كـان تشـرى بالملاييـن وآلاف=تستاهل البـل لـو هـي للـي هيلـه
دايم وراعيهـا علـى القـاع طـواف=ولا لاح بــراقٍ لــزوم يخـيـلـه
يسوج الديار وللبـل لاصـار معيـاف=وإيلا ذكـر لـه قفـر عجـلٍ رحيلـه
يتبـع مراتعهـا بروحـات وإنـكـاف=عـلـى سنعـهـا مـايـدور بديـلـه
وبه لازم مامنـه مجنـب ومحـراف=أبتـطـرق لــه وأنــا بحتميـلـه
يوم أقبلو ربعـي مـن أفـراد وأرداف=قمـت أتذكـر مامـضـى وأنتويـلـه
يوم السنين الممحله شهـب وإعجـاف=والمحتزم مـن فـوق جيشـه وخيلـه
لو ( ابن عايض ) مالحقهـا ولاشـاف=لكـن علـى علمـه يــورد دليـلـه
يافزعةٍ من صوب نجـران واسعـاف=وراكـان شبّهـا ســوات المخيـلـه
يوم البنادق فـالعداء ترجـف إرجـاف=والزنـد يقـدح عنـد خشـم الفتيلـه
والراس ينزع من على حـد الأكتـاف=واللي صويب الرمـي واللـي قتيلـه
آلاد ( ابن عرجه ) كما سيـف سيّـاف=مثـل البواتيـر الـحـداد الصقيـلـه
حـوض المنايـا واردينـه ولاعـاف=رجـال منـا شـاف خصمـه قبيلـه
نقدم عليهـم والعـداء ترجـع خـلاف=وكم مـن عـدو راح ماأشفـى غليلـه
تاريخنـا مانيـب أقـولـه تخـطـاف=تاريخنـا يحـكـي بـنـا ونحكيـلـه
مرباعنا في نجد وبطريـف مصيـاف=ونفرع علـى نجـران لاسـال سيلـه
ولو طاعنـي قـافٍ بنيتـه علـى آف=ذكـرت فعـل وفعـل حـن ننتميلـه
ومن الحكم شطر سمعته وقـد طـاف=الهـرج يكفـي عـن كثيـره قليـلـه
وكـل القبايـل مانحـب التـطـراف=تفعـل كمـا نفعـل بـزود ومثيـلـه

وسلامتكم