الا يا طير يمهاجر رفض ذل الزمان وطـار
الا بالله تاخذنـي حيـاة الـذل مـا آبيـهـا
تعبت وتاهت افكاري بوقتٍ يقهـر الأحـرار
مدام البوم والحصنـي تعلـت فـي مبانيهـا
ابي حريتي مثلك اطير ولا اخـاف أخطـار
وامتع ناظري بالأرض واللـي ساكـنٍ فيهـا
اخذت من الزمن حلوه وسقاني المر والأكدار
وعلمني اكون إنسـان افكـر فـي تواليهـا
عرفت ان الجهل نعمه بوقت يقتـل الأفكـار
ولا يبغى سوى ظـلٍ تخلـى عـن مباديهـا
ونا مقدر اساير لو اعيش العمر في امـرار
مبادي الجدّ فـي دمّـي بنبضاتـي اراعيهـا
رفيع الراس ما يخضع لغير الواحد القهـار
اعيش بعزتي مهما الزمن حـاول يجافيهـا