الا يالي تشوف ادموع عينـي=على خـدي وتمسحـا يدينـي
تغض الشوف وعيوني تناضر=وتلد العين مع جرت حنينـي
تقول اشفاك يامشاري توكـل=وتقول اعيونك الغرقه تبينـي
وحار القلب مدري من يصدق=كلام اشفـاك ولا الدمعتينـي
حبيبـي والمشاعـر ماتكـذب=وفيها شاهـدن منـك وفينـي
كلامك غير عن منطق عيونك=وكلام العين بيّح فـي كنينـي
كتبت الشعر وابياتـي تعبـر=وغناهـا وترجمهـا ونينـي
على طرقن طرقته كـم مـره=ولاهو بالحـدا والا الهجينـي
رثيت امي وابرثي به حبيبـن=يعيش وعيشته عيشت دفينـي
فمـان الله ياحبـن سقيـتـه=من اعروقي ومن دمعات عيني