[محمد سالم الشاعر]

السلام عليكم ورحمة الله وبركاتة..

الشق... شق ولا لقى من يداويه=يالله عساه يذوق طعم المراره
وش عاد يشفعله و وش عاد يحييه=اللي خذا من دون ربعه قراره
هذا نزل من فوق رجمه على اخيه=و هذا رقد ما بين وضحه و ساره
يصيح ابن عمه و يزهم و ينخيه=ولا من حياة لمن حياته خساره
تكالبت بعض الرجاجيل تبغيه=و كلن يمينه ملاحقتها يساره
يا زيد قل لعبيد ترك المشاريه=بعض الحكي ما ينتج إلا شراره
راعي الغنم بدل ثيابه و مباديه=لاهوب متعلم و شاري استماره
يقول بالمنطق و لاهوب يعنيه=الصوت امانه و الامانه شعاره
ثقافته وش لك و وش هوله تعطيه=لصار ذا فعله و هذا مساره
عقيم فكر و غرته سود الوجيه=و أنه امير و مستحق الاماره
و آآخر حسبها دين لابد يقضيه=ما همه الرجال يبدي أعتذاره
ولو جيت تبغى الصدق وتشوف مافيه=تلقى الحسد في وسط صدره تواره
ابكيه جعل امه مع ابيه تبكيه=اللي مضيع منهجه بالحضاره

سلامتكم