الزمان قصير / والدنيا تدور=كل يوم يضيق فى عيني مداري
صاحبي { محتاج لك } شعر / وشعور=وإحتياجي شى ماكان إختياري
من متى والغصن يختار الطيور=من متى والبال يختار الطواري
لاتسمي صمتي البارح غرور=انكساري خلف هالصّمت امتواري
فى غياب الشمس وش ذنب الزهور ?!=والمطر لاشح وش ذنب الصحاري ?!
اللقا لحظات والغيبه شهور=تقصر الخطوات / ويطول إنتظاري
لو قريت المنكتب وسط السطور =ماكتبت لغلطة العمر إعتذاري