[فيصل العجمي]

الموت بير وكلن ابييرتوي ماه=ولا الحياه اللي على الآخر بخليها
والحب سورن عزتي من تعداه=والدمع مطره عزتي من ساقيها
والشوق عذبني على طول ذكراه=والبعد كنه ما هنى من خافيها
والوصل حبلٍ يا كثر من توطاه=ولا الجفا كلمه تعبر من قاريها
رسمت لوحه تِبَسم بس ما تحواه=دمعتن فالرموش اللي تغطيها
لو المفارق رجل أبحتري ملقاه=ولو الهنى سلعتن والله لشريها
والدمع كنه غيم وماطر بدون شتاه=وشمس البعد تحرقني ولو أني مطفيها
ذكرى مجيه تغربلني ولو سراه=ذكراي ما هو مِثل ذكرى خطاويها
الضيم مسكن ثم بلاياه مثواه=الهم وجه والوساويس قافيها
حبي لها يسري على قلب مجراه=يبقى ولو كان البعد كان داعيها
لكن لقيت الطعنه اللي من فعل يداه=طعنة جفا ثم شوق والدم ماليها
تدري وش اللي بالفعل كان يملاه=دمع الحزينُ والمشاريه تكسيها
لبا صدا الماضي ولبا بعد حكواه=تلعب به صدوف الزمانُ بلاويها
بنتٍ تلاعب قلبي اللي ما بعد ذراه=كلمة محبه من صميم القلب تبديها
وشمعة ضوا و أيامها تملاه=في مشيها يختٍ وموج السيف حاديها
وكنها فجرٍ تلالا في بروز أضحاه=وكنها صندوق ومحدن عرف فيها
وكنها لغزٍ ولحدن قد عرف حرواه=ضاعت الالغاز في وصفة معانيها
يا سحابٍ هل وبشرنا أبهلة ماه=ويا وردةٍ حمرا وبَلت من يغليها