[أميرة نجد]

[line]
زلفة/
هذه كلمات مسروقه من دفتر طفل 00 كتبها بعامية اللغة ودهشة السؤال!
السبت /
فتحت عيوني أدور عن نور 00 أمروني ( غمض )00 وغمضت 00 بعدها ماشفت لا ابيض ولا أسود !
الأحد /
كنت اسمعهم يقولون ( العن ابوك ياحمار ) ( ياحيوان ) (ياثور)
(يابقرة)( ياكثر أرانبك) (يالوح)( ياجدار) 00 فتوقعت أني في حديقة حيوانات فتحت عيوني ابغى اشوف هالحيوانات قالوا لي( مايصلح تشوف قلة أدب !) سألتهم (طيب في عصفور؟؟)
صرخوا في وجهي ( انطم وغمض)!!
الاثنين / سمحوا لي أن أشوف التلفزيون 00 كنت لحالي منسجم مع أفلام كرتون 00 دخلت أمي 00 وكان أبوا عايلة ادمز يبوس أمهم 00
ركضت أمي غيرت القناة 00 وصرخت بأعلى صوتها (عيب عليك قاعد تشوف قلة أدب!) ناظرتها بكل براءة وأنا متعجب من اللي صار( طيب وش فيها ؟؟) قالت لي وهي معصبة ( التبويس قلة حياء !)
بعدها بأسبوع شفت أمي تسلم على أم الجيران (وتبوسها) قلت و أنا كلي أسى ( ياماما)00 التبويس قلة حياء!
الثلاثاء/
كانوا بنات خالتي عندنا 00 وكنت الولد الوحيد اللي يلعب معهم 00 وأبوي بس يبحلق عيونه فيني وين مارحت ووين ماجيت 00 بعد ماراحوا 00 ناداني أبوي وقال ( ( عيب الواحد يجلس مع بنات 00 قلة أدب))!
بعدها باسبوووووع 00 كان أبوي جالي مع عماتي 00 ناظرته بطرف عيني (وتبون الصدق نقدت عليه ) 00 وقلت له (اللي يجلس مع بنات 00 قليل أدب !)
الأربعاء /
كنت أسمعهم يقولون ( صدام قوي ) 00 و أعجبني بعد الأزمة 00 قالوا ( (حرامي ومجرم) 00 سألتهم ( كيف ؟!) 00 قالوا ((حرامي ومجرم 00 وبس واسكت !))
وكنت اسمعهم بعد يقولون ( جيم كاري 00 فاسد) 00 فكرهته على طول 00وكانوا يشوفون أفلامه 00 ويضحكون كنت أسالهم ( لية تضحكون ؟!00 هماه فاسد؟!) قالوا ( ورا ماتنطم بس ؟!)
الخميس /
أبوي يقول التتن حرام00 واللي يدخن يدخل النار 00 وفي يوم شفت أبوي جالس مع صديقة أبو خالد 00 وأبو خالد ماسك السيجارة بيده 00 وقفت وسألت أبوي (طيب اللي يجلس مع اللي يدخنون00 يدخل النار بعد ؟!)
الجمعة/
اسمعهم يقولون 00 أن اللي يطول في مكالمته يغازل 00 واللي يروح للسوق يغازل 00 واللي يعرف إنترنت يغازل 00 و أمي تطول على التليفون 00 وتروح للسوق00 وتطقطق على الكمبيوتر000 رحت لأبوي و أنا مصدوم ((( أبوي ألحق 00 أمي تغازل! )))